يوميات مفرووسة الإمارات العربية المتحدة

ألف ألف مبروك يا يونايتد أربك اوف ايميريتس... الحمد لله الجثة الهامدة بدأت تحرك صُباع رجليها الصغير وعقبال عندوكو جميعا كده يا رب الهانم وافقت تحضر قمة الدوحة. غير المليون دولار المساعدة.. والله كنت عاوزالك زغروتة خصوصا انك في حالك يختي ومالكيش دعوة بصداع العرب ده خاااااالص ولا بيجي سيرتك لا بشر ولا بطيب خصوصا بقا لما يبقى فيه اللخفنة اللي عندهم مع إسرائيل دي بلا نيلة انت فاضية لأيه ولا إيه انت بتجري دايما ورا "أفضل" على وزن "أفعل" بتاعة النحو اللي خدناها في أولى إعدادي دي... عاوزة يكون عندك أطول برج وأكبر مجمع تجاري وأضخم مشروع والكلام ده...
  
أنا خايفة عليك موووت من تحريك صباعك ده لحسن تبردي ولا يفتكروك انك هتعملي حاجة في الارف اللي هما فيه ده، أو انك تكوني من الناس اللي ربنا هيعاقبهم من حيث لا تدري بسبب صمتك المطبق... عموما اديكي عملتيلك منظر وسط الناس لما اتعملت مظاهرات عندك لحسن الغُرب كلوا وشنا زي الدكتور النيروجي اللي راجع متحطم والفنزويلي والبوليفي الي قطع الحبل المتين الي محدش قادر فينا يقطعه والناس الي بعييييييييد في استراليا واليابان وكوالالمبور يلا حصوة في عينك ياللي ما تصلي على النبي وتفضلي رافعة راسي دايما كدة زي مصر والسعودية وتونس........ ووجع الدماغ ليه ناسه.
  
آه صحيح ...... اللي بيحصل انهاردة ده تاريخ، هيفضل محفور سنين وسنين وكل حد عمل حاجة بالحلو ولا بالوحش هتفضل لازقة على قورته تنورها أو تخزيها، والعيال هتكبر وهيسألوا وهنرد فعاوزين نفكرلنا في كام حاجة كده نمخمخ فيها عشان نبقى نقولهم ليه الرجالة مكنوش رجالة وليه الشباب كانوا بيظبطوا نفسهم ادام المرايات ساعتها وانتو عارفين بنقدر نخبي ونلعب ونغالط كويس في التاريخ عيب ده احنا قدها وقدود دي لعبتنا.
  ويتبع >>>>: يوميات مفرووسة: الإمارات العربية المتحدة مشاركة
 اقرأ أيضاً:
 يوميات مفرووووسة جدا... غزة! / الرجالة واللي جرالها مشاركة