أنا تايهة وخايفة وقلقانة
أنا كنت السنة اللي فاتت في ثانوية عامة وأعصابي بايظه من ساعتها ومتوترة على طول وقلبي مقبوض كنت عايزة كلية إعلام وجبت مجموعها بس والدي رفض وسألت ناس كتير قالوا لي أن الكلية عشان تشتغلي محتاجة واسطة، وحتى لو كنت خريجة كلية تانية ومعاكي واسطة هتشتغلي في الإعلام فاحترت واتوترت مع أني كنت عايزاها وصليت استخارة كتير بس مكنتش برتاح لكلية معينة فدخلت كلية الألسن لأني كنت حابة أتعلم لغة؛
بس أنا دلوقتي مخنوقة من الكلية وطلعت مش زي ما كنت متخيلها وحاسة أني تسرعت وإني كنت عايزة إعلام ليه ما وقفتش قدام والدي وصممت على قراري وأنا مش عارفة أحول إعلام عشان التحويل الورقي اتلغى وحتى ممكن معرفش أحول السنة الجاية عشان صعب أحول من جامعة عين شمس لجامعة القاهرة.
أنا حاسة أني تخليت عن حلمي في إني أبقى مذيعة راديو معنديش رغبة أذاكر معنديش دافع للمذاكرة حتى لو كنت عايزة أتعلم لغة الدافع ده مش مقويني حاسة أني في كابوس وهصحى منه قلقي كل ده محصلش ديه غير أن قلبي على طول مقبوض وعلى طول بعيط مافيش حاجه بتبسطني غير لوقت قليل.
كنت متفائلة بشوشة مبقتش كده بصلي وبدعي ربنا بس ساعات مبرتحش بشكي لكل الناس وكل عيلتي وقفه جنبي وكل حاجة وقالوا لي خدي كورسات في الإذاعة وكده بس بردو مش مرتاحة. مش عارفة أعمل إيه حاسة أني مكسورة كنت فاكرة نفسي أقوى من كده طلعت أضعف مما أتخيل.
أنا حاسة أني تايهة ومش عارفة عايزة ولا أعمل إيه، خايفه أفشل لأن كليتي صعبة والقسم بتاعي محدش فيه بيجيب تقديرات وأساسا مهنة الترجمة مهنة صعبة.
أنا مش متحمسة أني أعمل أي حاجة الفترة دي حاسة أني مش عايزة أبذل أي مجهود ومافيش حاجة تستأهل أني أصعب عشانها أنا كنت أصبر نفسي كل السنين الدراسية اللي فاتت بأني في يوم هدخل الجامعة وأرتاح والجامعة طلعت شكلها زبالة سوري على اللفظ.
19/11/2015
رد المستشار
أختي العزيزة؛ مبروك دخولك الكلية ونجاحك في المدرسة.
أنت اخترت أفضل مجال حيث يساعدك في الخوض بأي وظيفة ترغبين بها. ولو لاحظت أفضل المذيعين والمذيعات سوف تجدينهم من هم بارعون في اللغة. بالإضافة إلى أن دخولك كلية الإعلام سوف يجعل لك المجال الوظيفي جداً ضيق في المستقبل لكن اللغة يفتح لك آفاق عديدة بالإضافة إلى أنه شرط مهم للمذيعة الناجحة.
ربما هذه فرصة وهبك الله تعالى كي تنجحي في حياتك الوظيفية وأنت لا تعلمين بعد عدة أعوام هل ستبقى لديك نفس الميول الوظيفية أم لا، تخيلي لو الآن كنت في كلية الإعلام ودرست وتعبت لمدة أربعة سنوات ثم تخرجت ووجدت نفسك لا ترغبين في العمل الإعلامي وقتها كم كنت سوف تشعرين بالخيبة والإحباط؟!
استغلي هذه الفرصة لتنمية مهاراتك وإن شاء الله سوف يكون النجاح حليفك
واقرئي أيضا:
نفس اجتماعي: مشكلات دراسية Scholastic Problems
نفس اجتماعي: دراسي Scholastic الرشد المبكر Adolescence