ابنتي عمرها عشر سنوات كيف أتعامل معاها..؟
أنا عندي ثلاثة أولاد ابنتي الكبيرة عمرها عشر سنوات، وابني عمره ثمان سنوات، ابنتي الصغيرة عمرها سنتين، المشكلة بدأت من فترة طويلة، أنا مغتربه وكنت دائماً والأولاد بالبيت، يعني مفيش خروج كتير، وابنتي الأولى من النوع اللي عاوز دايماً حد يفضل جمبه، يعني تنام جمبي، وتفضل جمبي بطريقه كانت بتتعبني،ولما خلفت أخوها التاني كانت بتغير منو جداً يعني مكنتش عاوزاني أشيله، ولا أنيمه، وهي اللي بتحب تكون جمبي، أنا للأسف أوقات كنت بتعصب عليهم لأني دايماً قاعدة في البيت، المهم هي أصبحت عنيدة، وكل ما أقولها على تصرف غلط بتعمل تقول لي حاضر مش هعمل كدا تاني، وللأسف الموقف بيتكرر لحد ما قريت مقال عن تأثير العصبية على الطفل وهكتب شويه عن المقال دا.
لما بضرب إبني أو أصرخ بيحصله ضغط نفسي وده بيؤدي إلى:
1- جزء من المخ اسمه Hippocampus مسؤول عن التعلم والتذكر حجمه بيتقلص.
2- جزء من المخ اسمه corpus callosum مسؤولة عن الإتصال بين شقي المخ وعن العاطفة حجمها بيتقلص.
3- المخيخ المسؤول عن تنسيق حركة الطفل مع تنفيذه للحاجة اللي عايز يعملها بيتقلص.
4- قشره الفص الجبهي في المخ المسؤولة عن السلوك بيحصل ضمور فيه.
5- جزء من المخ أسمه Amygdola مسؤول عن الإحساس بالتهديد واسترجاع الذكريات الأليمة بينشط جد.
6- الكورتيزول المسؤول عن طاقة الطفل بيقل.
7- الكهرباء في المخ بتقل.
لما بيحصل كل ده للطفل منتظر منه يبقي عامل إزاي؟
1- عنيد مبيستجبش لحد.
2- حساس على أتفه الأشياء.
3- معندوش ثقة في نفسه.
4- مش بيعرف يآخد حقه أو بياخده بالعنف.
5- معندوش قدرة على العطاء لغيره, عايز كل حاجة ليه بس.
6- ردود فعله عنيفه.
7- بيكدب ويعمل أي حاجة تبعد عنه الاتهام.
8- ممكن يسرق كتعويض علشان يحس أن ليه شخصية حتى لو خد ورقة في جيبه.
9- مبيعرفش يكون أو يحتفظ بصداقات.
10- على طول مش عاجبه حاجة وبينتقض.
11- ضعيف دراسي.
12- بينسىى وتركيزه ضعيف ميعرفش يعمل اللي يتطلب منه.
13- معندوش تمييز بالخطر الحقيقي لأنه تعود أن ردود فعلك عامة قوية.
14- انتباهه لأي مثيرات بيقل يعني ردود فعله بتبقي متأخره زي أني أقعد أنده عليه ولا كأنه سامع وعلى طول أحس أن كلامي مبيتفهمش وأني بكلم نفسي.
15- تأخر الكلام والتهته.
16- تبول لا إرادي.
17- مص أصابع, قرقضة أظافر، جز الأسنان, لمس أعضائه التناسلية.
18- فرط الحركة وقلة التركيز.
19- كوابيس.
20- للأسف بتحكمي على طفلك أن كل الناس تعامله بالشدة لأنك جايبه معاه أقصى مرحلة.
21- في المراهقة بيبقى قاسي جداً وعاق مع أهله.
أنا للأسف بنتي دلوقتي عندها مشاكل كتير من المكتوبة منها إنها مش بتهتم لما أناديها ومش بتركز معايا ومش بتعرف تكون صداقات وبتاكل ضوافرها وكسولة جداً للأسف. المشكلة إن الغربة منعتنا من إننا مثلاً نعيش حياة زي إني أوديها لجدتها تقعد معاها عشان تتعلم منها أنا عاوزه أعرف أبتدي معاها إزاي
وياريت الرد يكون في أقرب فرصة
لأنها بدأت تقلد الأطفال وبتعامل أختها وحش.
22/7/2016
رد المستشار
الأخت الفاضلة "مي"؛
السلام عليكم ورحمة الله وبركاته هناك عاملان مهمان أثرا في سلوك ابنتك، العامل الأول هو عصبيتك عليها نتيجة ظروف الغربة ونتيجة إلحاحها في أن تكون دائما بجوارك (جنبك) والعامل الثاني هو غيرتها المفرطة خاصة من أخيها. فالعصبية والغيرة تجعل ابنتك لا تشعر بالأمان كما أنها تشعر بالغضب منك ومن أخيها، ومن هنا تصبح غيرة ومشاكسة لتستحوذ على اهتمامك حتى ولو كان هذا الاهتمام في صورة صراخ منك أو تأنيب لها أو حتى ضربها، فكل هذا يعني بالنسبة لها اهتمام، إذ يكفيها أنها تشغل بالك حتى ولو كان ذلك بطريقة سلبية.
كما أن غيرتها وغضبها من وجود أخيها يجعلها تحاول أن تغيظك أو تعاقبك أو تنتقم منك بعنادها وتمردها، وكلما كانت استجابتك لذلك مزيدا من العصبية والغضب كلما شعرت هي بأنها حققت أهدافها هذا إضافة إلى كل ما ذكرته من آثار العصبية على أجزاء المخ كما وردت في المقال المشار إليه.
والحل هو أن تحاولي أنت استعادة هدوئك وأن لا تستجيبي لاستفزازها، وأن تواجهي محاولاتها لاستشارتك بالتجاهل، وأن يكون اهتمامك بها وبإخوتها متوازناً ومعقولاً, وأن تعطيها اهتماماً حين تفعل أشياء إيجابية كأن تعتني بأختها الصغيرة مثلاً أو تساعدك في أعمال البيت أو تحصل على درجات مرتفعة في الدراسة، وأن تشعريها أنها كبرت, وأنك تحترمين عقلها وتعتبريها صديقتك، هنا ستتحول بالتدريج من دور الطفلة المتمردة إلى دور الفتاة الناضجة. وتابعينا باستفساراتك.
واقرأ أيضًا:
اضطرابات الأطفال النفسية Child Psychiatric Disorders