نفسي حد يحبني: فراغ عاطفي أم مراهقة متأخرة؟ م
القلق
هاي د/ علاء مرسي
أنا عندي 28 سنة عايشة أنا ومامتي لوحدينا, بشتغل في مكان كويس الحمد لله.
المشكلة عندي في التفكير الزيادة. أنا بفكر في كل حاجة وأي حاجة.
بفكر في شغلي لو مشوني حعمل إيه وخايفة ما ألاقيش شغل تاني, لو مامشونيش يا ترى مديري مبسوط مني ولا مقعدني لحد ما يلاقي حد تاني. بفكر في صحابي هما بيحبوني فعلا ولا واخدني معرفة كدة وخلاص. بفكر في حياتي يا ترى حلاقي حد أحبه ويحبني ونتجوز ولا حعيش حياتي كلها لوحدي, ولو عيشت لوحدي حياتي حيبقى شكلها إيه حعيش إزاي حعمل إيه كل حاجة. بفكر ماما لو جرالها حاجة وسابتني لوحدي حعمل إيه وأعيش إزاي.
ده أنا لو فكرت حلبس إيه بكر في الشغل بيبقى حوار بيوصل للعياط وأنا مش عارفة أركب طقم حلو على بعضه أو حيبقى شكلي وحش أو إيه حيليق على إيه أكتر. مش بعرف أسيب الحاجة لوقتها بفكر في كل حاجة. من كتر التفكير بقيت علطول عندي صداع مبيروحش بالأدوية وعلطول عصبية. وكوابيس كل يوم لدرجة إني بقيت بخاف أدخل أنام.
أحلامي مبتخرجش عن تلات حاجات: ناس مدبوحة أو أنا اللي مدبوحة, ناس بتجري ورايا من غير سبب, أو عفاريت وقلق من ده. مش عارفة أؤمن إني أسيبها على ربنا حاسة إني لازم أخطط وأفكر مش بعرف أعيش سايبة إيدي.
13/12/2016
رد المستشار
الابنة ىالفاصلة "heba" أهلا وسهلا بك على مجانين وشكرا على الثقة والمتابعة عبر خدمة استشارات مجانين.
هذه هي الإفادة الثالثة منك للموقع خلال سنتين مرتان أول وأواخر 2015 وهذه الأخيرة والتي تقفين فيها على حدود القلق المتعمم وربما الوسوسة والاكتئاب أي خلطة القلق والاكتئاب معناها أن قد تحرك تصنيف إفاداتك لنا من نفسعائلي اختيار شريك الحياة إلى نفسي عاطفي : حب ... وفي هذه الإفادة الأخيرة أصبح التصنيف نفسي عصابي خلطة قلق واكتئاب وهذا يعطيني حق استخدام الفيتو لأجيبك بنفسي.
أنت الآن تعيشين خبرة اضطراب نفسي حقيقي ولابد أن تتحركي لطلب العلاج هذا التفكير الزائد الذي تصفينه زائد عن كل حد طبيعي ومرهق أكثر من اللازم ويعني التردد في كثير من الأحيان والتوجس المفرط في أحيان أخرى وقد يكون بسبب الاكتئاب أو الوسوسة أو القلق المتعمم .... ولابد عند هذا الحد من الاستعانة بالمعالج ليصل إلى التشخيص الدقيق للحالة وتتفقان معا على خطة العلاج .... وطلب العلاج من هذه الحالة لابد يا "heba" أن يكون جزءًا مهما في تخطيطك لمستقبلك والي لا يتنافى مع إيمانك بالله عز وجل فالقاعدة هي "إعقلها وتوكل"..... في انتظار التطورات.