مثلي يختفي خلف جدران الزواج م7

مثلي يختفي خلف جدران الزواج م6
وساوس قهرية

عزيزي د. وائل أشكرك على ردك عليّ في رسالتي التي عبرت عنها في أول ردك وساوس لا فائدة منها وأشياء مألوفة لا يسأل عنها أحد هزتني هذه الجمل جدا فحقا لا فائدة منها أقسم بالله أنتظر الرد منذ شهر وهدأت كثيرا عندما سمعت هذه الكلمات بالرغم أني أقولها لنفسي كثيرا وكلامك كثيرا يريحني حقيقة وليست مجاملة مني لن أقول ذلك

المهم في خلال هذا الشهر الماضي فترة ردكم على الرسالة حدثت لي أحداث كثيرة أَرْويها لك باختصار شديد جدا.... ضغط الدم زاد عليّ جدًا يوم 10/9 لدرجة أنه أصبح مبينزلش أبدا لا بحقن ولا أقراص أصبح 180 علي 120 المهم دماغي تعبتني جدا وساوسي زادت علي وضغطي يرتفع عندما أفكر في تلك الوساوس هل لها علاقة بالضغط ؟؟؟؟ جايز

زادت حالتي وتعبت جدا أصبت بحالة من النسيان والخروج من الحقيقة التي أعيشها قرأت في حالتي رأيته ذهان من وصف الحالة رأيته كده مش بفتي قعدت في البيت أجازه وحاسس أني غريب في وسط أولادي عارفهم مش فاقد الذاكرة بس بره الدنيا حاسس أني غريب وحاسس أني لو اشتغلت ناسي شغلي وفاقد كل شيء أي معرفة عن أي حاجة مش .داري بالدنيا

مطولش عليك تعبت وقعدت أبكي وأصرخ في البيت، امتنعت عن الطعام مش برغبتي ماليش نفس لمده 4 أو 5 أيام خسيت كتير، نوم شبه مفيش قلق مكنتش بنام ساعتين في الأيام السودة دي، الله لا يعيدها توجهت لطبيب باطنة لعلاج الضغط وبعده قررت التوجه للطبيب النفسي ورحت بس للأسف رحت مستشفى عامة للصحة النفسية رحت ومعي زوجتي وعندي عزيمة للعلاج انتظرت كثيرا ورأيت حالات أخافتني وأرعبتني وخفت وكنت عايز أمشي، واصلت وقابلت الدكتورة وقعدت كلمتها يجي نص ساعة حكيت كل حاجة نصحتني أغير مود حياتي وقالت عندك زي اكتئاب وكلمتني عن كل الوساوس وكلمتها ورديت على كل أسئلتها أعطتني علاجا قالت الوسواس هيروح خالص بس لازم متابعة وعلاج وتيجي بعد 15 يوم نتابع

المهم كتبت لي 3 أنواع هم أقراص لعلاج الوسواس القهري0 سيسيرين وأقراص لعلاج العصبية اسمها تيجرو عرفت أنها علاج للصرع الله يسامحها وأقراص لعلاج الاكتئاب ريسبريدون كلها تبع وزارة التأمين الصحي صرفتها من المستشفي مجانا وكان يوم أسود في حياتي خدت العلاج قرصين أول ما روحت سيسيرين وتيجرو بتاع الصرع للأسف نمت وصحيت حالتي كده فزعت من النوم دماغي من جوه ثلج من جوه ثلج وأجري في البيت وأقع دوار كامل ورأسي مجمدة من جوه وربنا يعزك تبول لا إرادي ساعتها استمريت كده حوالي نص ساعة ونمت تاني بعدها ولا أفكر في أي شيء هديت جدااااااااااااا أعصابي راقت بعدها ونمت تاني ولا خطر على عقلي وسواس واحد، قلت في نفسي من قرصين راح الوسواس طبعا لا هو المهدئ السبب التيجرو الشنيع تاني يوم خدت العلاج ماعدا التيجرو ورحت الشغل شبه معدم التفكير بعد ساعتين من الشغل تاني يوم دماغي حصل العكس بالليل أخذت علاج الاكتئاب بس العكس دماغي سخنت جدا من جوه ودوار شديد وإغماء استمر 10 دقايق فقت بعدها وقطعت العلاج ده خالص بسبب الذي سببه لي وابتديت أتعايش في .الشغل مع الناس 3 أيام وتحسنت وبقيت آكل وأنام طبيعي الحمد لله حتي لو وسواسي ما زال موجود بس حالتي تحسنت كثيرا

أولا نسيت الذهان وخروجي عن عيشتي وشغلي نسيته وقعدت أسبوع خايف يرجع وأخاف ضغطي يعلى من التفكير لكن أهدئ نفسي بالصلاة والذكر وهو الحمد لله أحسن من الأول بالنسبة 70 في المية أو 80 بس منكرش ما زالت الوساوس بعضها بيجي بقهرها وبقهر نفسي وبفوقها وبقول لنفسي والله أفكار ملهاش لازمة ملهاش فايدة والله لحد حضرتك ما قلتها لي يا أكرم الناس وما زلت أقهرها كثير وبحاول أقضي على الهطل ده بحاول وبحاول أفوق نفسي بس هو موجود

الخلاصة نصيحة حضرتك إيه بعد سماعي أكمل العلاج البائس ده أخاف منه جدا ثلج الدماغ وبعدها سخونة لااااا مقدرش عليه طب أذهب لطبيب في عيادة يمكن علاج بره أخف من علاج التأمين المجاني المخلوط ده ورأي سيادتك في أنواع الأقراص التي كتبتها لك هي صالحة أم أوفر أم ماذا أرجوك تقول لي عليها ضروري وأعمل إيه وآسف جدا لإطالتي عشان حالتي بس وأكرمك الله وأعزك يا رب دائما ومطولش عليك أرجوك وسلام عليكم ورحمة الله
11/10/2017

وأرسل أيضًا في نفس اليوم يقول:
تكملة بسيطة

آسف د. وائل لو حضرتك طبعا تعرّفني علاج معين أو أقراص أرجوك تقول لي عليها لأني قرأت بعض الاستشارات أطباء وصفوا علاج لبعض الحالات لو حضرتك تتكرم وتقول لي بعد قراءتك الرسالة السابقة أرجوك تتكرم علي وتقول لي أقسم لك بالله أنا أفضل بكتير بفضل الله مما كتبت أول رسالة لي عن هذا الوسواس الملعون

أنا عارف أن حضرتك مش هتبخل علي أبدا بأي شيء بس لو ينفع كتابة بعض العلاج خلاص اللي تشوفه سيادتك هعمل به عارف يا د. وائل لما كنت أول التعب كنت فاقد تماما المشاعر والحالة بتاعتي القديمة المثلية خلاص لما ابتديت أفوق هقولك إيه ردت لي تاني بس بص وبواجه وزوجتي مش بترفض لي طلب لي أبدا في العلاقة وطبعا هي هي بتنام مع الأولاد حتى وأنا عيان كانت بتقعد معايا وبعدها بتروح تنام هناك وقلت لها يا حبيبتي خليك جنبي أنا تعبان تقول حاضر أنعس وتمشي وأعمل نعسان وتمشي

مش بشتكيها أنا بس افتكرت
وختام
11/10/2017