مثلي يختفي خلف جدران الزواج م8

مثلي يختفي خلف جدران الزواج م7
الاضطرابات القهرية.

عزيزي د.وائل وحشتنا جدا جدا وربنا يطمنا عليك دايما ويبارك فيك ويبارك في عمرك ويخليك لينا دايما أنت الطبيب الحنون البسيط المتواضع رفعك الله في أعلى جناته يارب وهذا من قلبي والله جزاك الله عنا خير وبعد/
 
أبعث لك هذه الرسالة وأنا مدرك ما أقول بعد ما قرأت جيدا عن طيف الوسواس واضطراباته وعرفت أشياء كثيرة لم أكن أعرفها حقا ولكن ما بداخلي أقوى وأشد كما قلت سيادتك وهي حقيقة وأحب أن أعلمك أني أقهر نفسي ذاتيا أي أعالج نفسي بنفسي وأدوس عليها وعلى وسواسها وأقول حياتي اليومية العادية وكل شيء موجود حولي سيان كنت موجودا أم لا أي الحياة تدور بي ومن غيري. 

المهم داومت قليلا على علاج السيسيرين وابتعدت قليلا لأنه سبب لي مشاكل عمل لي سخونة في رأسي ودوار وبحس أنه يضغط علي أكثر وأحس أن حالتي بتزيد شويه لما باخده معرفش ده تصوري الضعيف لأني ضعيف بفكري للحد ده وأقول لنفسي بالعامية كبر مخك بلا علاج نفسي بلا هم عيش حياتك كما هي وزي ما هي حلوة بمرها محدش واخد منها حاجة والموت قريب من كل العباد. 

بلا وساوس بلا هم أقسم بالله أيقن في نفسي ده برتاح كتير والله هل ده يسمي علاج سلوكي لنفسي أو اجتهاد للذات للبعد عن هذه الاضطرابات؟؟ المهم أهدأ كثيرا بس مجرد ما أتعرض لأي عمل بعمله أو أي شيء التفكير يحضر كأني بعصر دماغي وبخرجها من طبيعتها أصدع جدا ورأسي من النص أحس بسخونة رهيبة ومجرد ما أقلع عن الفكر الوسواسي ده أهدأ والضغط بيكون أعلى وبيهدى. 

المهم دكتور بدون إطالة الحالة كما رويتها في رسالة سابقة وساوسي أنت عارفها في الأكل اللبس العمل أي شيء ساعات أنظر له كأني أراه وأتعامل معه باستغراب وكأني لم أعمله قبل كده! المهم هل أستمر على أقراص السيسيرين أم يوجد أفضل منها عندك أو أحسن لأن علاج التأمين الصحي في الغالب ضعيف لا فائدة منه إلا قليلا.

أرجوك ما هو العلاج الموازي لهذا السيسرين أجيبه من بره مع الريسبدريدون وهو علاج أيضا لبعض حالات الذهان وقرأت عنه، كده دكتور هل حالتي فيها نسبة ذهان أرجوك لا تتأخر علي وعرفني أعمل إيه وإيه العلاج البديل أرجوك أرجوك بدل علاج التأمين المتعب أو قل لي أستمر عليه باطمئنان والله باخده دماغي بتروح خالص هل ذي أعراضه حقا أم ماذا وعرفني أنت قلت في رسالة ماضية حالتك بسيطة جدا وهي اضطراب وسواس وبجد مفيش شيء ثاني يعني مش ذهان أرجوك أرجوك أرجوك جاوبني على السؤال ده مفيش ذهان لأني قرأت فيه وخايف منه أوي وهو حالته قريبة من حالات الوسواس. 

وعرفني هل ممكن أجيب بديل علاج التامين من الصيدلية إيه لا تبخل علي بمعرفة أجيب إيه ربنا يكرمك بجنته يا دكتور وائل وسامحني على إطالتي فالله أولا أدعوه ثم أنت أسأله فأجبني.

أرجوك رزقك الله الجنة وأشكرك جدا يا فندم 

ملحوظة صغيرة: حالة المثلية اللي عندي موجودة لم تنقشع وأقاومها حتى الآن لما تأتي وأحاول بقدر المستطاع عدم الاستجابة لها أحاول ومفيش جديد في حياتي الخاصة زوجتي هي هي متغيرتش وأنا عايش ومتأقلم خلاص حتى عن هذه الوساوس كلمتها فتقول لي فكك من وجع القلب ده، أنت إيه اللي دخلك في الحاجات ده انسى وساعات بنسى والله وكلامها بيجيب نتيجة ههه والله بجد أشكرك مرة تانية ورد علي أرجوك في الأسئلة اللي فاتت الذهان والبديل لأن العلاج بيتعبني أوي ويزيد الحالة عندي أحس بكده فعرفني الصح إيه وأعمل إيه وأجيب إيه بالله عليك.

وكل سنة وحضرتك طيب وسعيد وإلى أعلى وفي تقدم دائما يارب 
شكرا
14/1/2018

لا عنوان
هل الرسالة السابقة وصلت منذ قليل أم لا؛ لأن الموقع ما أخبرنيش باستلامها؟؟
14/1/2018