إدمان واكتئاب
أنا كنت أفرط في استخدام الفيس بوك كثيرا... من ثلاث شهور بدأت في الإقلاع عن هذا.... ولكني بدأت أدمن شيء جديد!.... ألا وهوا قراءة الراويات العبيطة الرومانسية... البطل خطفها وحبها ...وحاجات ما بتحصلش أبدا في أرض الواقع نهائيا... بس أنا بحبها جدا!.... ونفسي تحصل... وعمري ما صرحت بــــ ده قدام أي حد... ممكن أقعد اليوم كله بقرأ في الروايات دي ومن رواية لـ التانية وهكذا....
مابعملش أي حاجة حرفيا ما بذاكرش ما بخلصش أي حاجة... مش عاوزة أنزل أقابل حد... ولو نزلت من البيت ببقى عاوزة أنزل اقعد ف مكان ومعايا الموبايل أكمل قراية، أنا بحب التملك جدا.... نفسي حد يحبني لدرجة أن ما أعرفش أتنفس خالص يبقى معايا في كل حاجة من أصغر حاجة لـ أي حاجة....
مع أني أبان مع أصحابي أن مش بسيب حقي وتعاملاتى فيها حدة شوية... ومحدش بيحاول يقرب مني ولا يعجب بيا من أسلوبي يعني... لأنهم بيقولوا بيخافوا مني ما أعرفش إزاي! لأني برد ومش بسكت أو عشان أول ما بشوف غلط بتكلم.. مع إن بتكسف جدا وممكن أعيط من أقل حاجة بس عمري ما عملت قدامهم.
أنا ممكن يعدي عليا يومين في البيت قاعدة عشان أعيط بس!
أنا حياتي واقفة جدا بسبب الروايات دي وأنا، فعليا أول ما أمسك الموبايل بفتحها هي... دا غير إن بمارس العادة السرية يوميا! شعوري بالذنب وإن بعمل حاجة غلط بيقتلني بس مش عارفة أبطل بردو.
أنا ضعيفة جدا قدام نفسي مش عارفة أبطل أي حاجة وورايا حاجات كتير يعني..... كل أصحابي اشتغلوا وأنا طول الوقت بأجل المذاكرة مع إني لو ذاكرت شهر واحد ورا بعضه أو أكتر ممكن ألاقي شغل في المجال بتاعي وبسهولة.
كل ما أقول هعمل حاجة مابعملهاش أبدا.....أبقى ماشية هرتب، أول ما أمسك اللاب هعمل إيه..... أول ما بروح بفتح الراويات ومابعملش أي حاجة.
أنا قلت أنا بحب التملك بس في نفس الوقت بكره إن حد يديني أوامر أو يفرض عليا حاجة أو أحس أن مفروض عليا حاجة! .... عاوزة أرتبط وفي نفس الوقت أنا ما بقدرش آخد بالي غير من نفسي وبالعافية!....
أنا نفسي أتخلص من إدمان الروايات... ومشاهدة فيديوهات الجنس للعادة السرية!
أنا من الأشخاص اللي بيحللوا كل شيء ودا خارج عن إراداتي لو قابلت حد ببقى لاقطة كل حاجة لو حرك إيده ببقى واخدة بالى لو عمل أي حاجة وبقعد أفكر طاب كان يقصد إيه لما عمل كدا، وممكن ما أرد على الإساءة اللي أنا بعتبرها إساءة أو هزار تقيل في نفس الوقت بس باخد جمب وما بتكلمش مع الشخص دا أبدا
بحس إن دماغي هتنفجر من كتر التفكييييييييييير!
أنا مشتتة جدا :(
نفسي يبقى في حد معايا نذاكر سوا وناخد خطوات كتير مع بعض بس أنا أساسا بتخنق لو حد كلمني يومين ورا بعض أو شوفت حد يومين ورا بعض.
كل أسبوع مرة مثلا وكل يومين كدا نتكلم.... بس أصحابي البنات مثلا ما يشجعوش على أي حاجة والولاد يا إما حد لازقة عاوز يكلمك كل شوية عشان عنده شوية فراغ بيملأه، يا إما بيستهبل بردو.
عندى فوبيا التحرش.... أنا بكره التحرش اللفظي والبصري والجسدي... وما بطقش حد يلمسني.... حتى ما بقتش أحب أسلم على بنات أو بنت تحضني واحنا بنتصور بتقرف جدا
أنا اتكلمت عن حاجات كتير بس عشان هي رسالة واحدة كتبت كل اللي عامل لي أرق أنا آسفة جدا :(
10/4/2018
رد المستشار
الآنسة الفاضلة، أهلا ومرحبا بك على موقعنا.
تحدثت عن عدة أشياء بدأت بإدمان الفيس ثم استحوذت عليك الروايات والقصص العاطفية ولديك ميل شديد جدا جدا للتملك ورغبة في أن يتملكك شخص مع أنك لا تستطيعين الاحتفاظ بعلاقة لعدة أيام مع ميل إلى عدم المسؤولية وخاصة الدراسة.
سيدتي....
لديك تماوج في العلاقات والتواصل مع الآخرين؟؟
هل لديك تماوج في علاقتك مع نفسك؟؟
هل تؤذين نفسك بصورة أو بأخرى؟؟
هل لديك انفعالات متنوعة من الغضب والقلق والاكتئاب؟؟
بناءا علي ما سبق لو كانت إجاباتك إيجابية فهذا يعني سمات شخصية حدية وهذا يعني احتياجك إلى العرض على متخصص للتقييم الدقيق والعلاج.
أما تحليلي النفسي لشخصيتك فهو غالبية النمط الطفولي وهو البحث عن الرغبة والمتعة والبعد عن المسؤولية تماما وعادة هذه الشخصية العناد والشغب عند الفشل والميل إلى محاولة إشباع الرغبات بكل قوة.
وبالتالي تحتاجين هنا إلى الفطام وزيادة النضج في الشخصية للوصول إلى رؤية الواقع وتحديد الاتجاهات والأولويات وكبح جموح الرغبات وهذا يحتاج إلى جلسات للعلاج النفسي مع متخصص.
وفقك الله، تابعينا.
ويتبع >>>>>>: فيس، قصص عبيطة، تملك : المهم حاجة أدمنها م