من وسواس نظافة لانتشار سحري
السلام عليكم
أنا هحكي مشكلتي باختصار شديد وأركز على النقط المهمة كوني رحت عند دكاترة كتير وملقتش حل ينفعني.
أنا طبيبة
بنت سنجل
عندي ٢٧ سنة
لما كان عندي سنة ونصف كنت بشوف باباية بيضرب مامتي كتير واتطلقوا رسمي وعشت بدون أب لمدة ٤ سنين في بيت جدي.
بعدين رجعوا لبعض ورجعنا سكنا في بيت العيلة وبقم هم الاتنين بينزلوا شغل ويسيبوني أنا وأختي عندها سنة ونصف لوحدنا مع ولاد عمي.
فلما بقيت ٦ سنين لحد ٨ سنين حصل لي أربع حاجات:
١. ابن عمي اللي ساكن في الشقة اللي تحتنا بيستكشف جسمي ويلمسني كل يوم تقريبا وقت ما أهالينا كانوا بيروحوا الشغل ويسيبونا لوحدنا.
٢. في الصيف جارنا العجوز كنت أنزل ألعب في جنينته هو كمان كان يجيب لي حلويات ويلمس جسمي كله.
٣. لما ماما كانت بتروح للخياطة المسيحية بردو جوزها كان بياخدني البلكونة ويقعد يلمسني.
٤. وأنا عندي ٩ سنين مديت إيدي على أختي البنوتة اللي بقي عندها ٤ سنين ولعبت في جسمها بردو وبوستها، بس ده حصل مرة واحدة بس وتاني يوم كنت بعيط وزعلانة من نفسي جدا ومش فاهمة ليه عملت كده.
لحد ١٠ سنين كده على ما بدأت أوعى للدنيا عرفت إيه اللي بيحصل وحكيت لماما قالت لي خلاص متقوليش لحد ولا لبابا وبطلي، ومرضتش تزعق أو تعاقب أي حد عمل فيّ حاجة.
من أول ١١ سنة بطلت الهبل ده كله وخاصمت ابن عمي وأولاد عمي كلهم ولحد يومي هذا مبكلمهمش وجارنا العجوز مات والمسيحي زوج الخياطة كمان مات الحمد لله.
من ١١ سنة بقى يعني من بعد ما بطل أي حد يلمسني لحد سنة ثالثة كلية حصل لي حاجتين متزامنتين أثرتا على حالتي النفسية جدا في الفترة ذي:
١. كنت بلمس نفسي بشراهة.
٢. كنت بركب مواصلات عامة كتير فكان بيحصل لي تحرش جنسي واضح وصريح اللي يمد إيده على جنابي واللي يلصق جسمه في ظهري وهكذا .. حوالي ٣ أو ٤ مرات معلمين في ذاكرتي من كثر قساوتهم.
من أول ثالثة كلية تكلمت مع ماما تاني وحكيت لها أني بلمس نفسي، فهمتني يعني إيه اللي بعمله وأنه اسمه عادة سرية ومينفعش وحرام وأخدت بعضها ومشيت.
بردو محستش أني فهمت، ففتحت النت أشوف إيه الحرمانية لقيت أن بعد كل مرة لازم أستحمي وأنظف لأنها نجاسة.
ومن هنا ابتدت معاناة جديدة طبعا العادة السرية مبطلتهاش في يوم وليلة بس كنت بدل كل يوم بقيت كل أسبوع وكل ما أعملها أغسل الملاءة واللبس والأرض التي دهست عليها وأكرة الباب التي لمستها وهكذا .. لحد ما قطعتها نهائيا... كده أنا في نظر نفسي بني آدمة سوية ونظيفة!
فاضل أني ملفتش النظر علشان مسألة التحرش فعلا بقيت بلبس زي الرجالة وأمشي زي الرجالة لبسي واسع وشكله وحش ومبحطش مكياج ومبقتش عايشة سني وأقول كله في سبيل أني أكون نظيفة ومحدش يلمسني في الشارع.... بس حسيت أن "التحرش" بيجي أكتر على النوعية التي تستر نفسها أكتر ..
المهم بقى كل ما يلمسني رجل حتى لو بياع السوبر ماركت وهو بيديني الباقي لو حط إيده على إيدي بطريقة قليلة الأدب .. أقول إيده كانت لامسة جسمه وأكيد هو بيمارس العادة السرية لأنه متحرش وبكده تبقي إيده مش نظيفة وأنا بإيدي نشرت العدوى لكل حتة حلمسها. ودخلت من "وسواس قهرى" للنظافة والطهارة لـ "الانتشار السحري"
مرة وأنا بركب ميكروباص أحد السفلة المتحرشين لصق كل حتة في جسمه في ظهري لدرجة حسيت بكل حاجة طبعا كان يوم إسود فضلت أنظف ٢٠ ساعة غسلت كل حاجة حتى سلم البيت ومرضتش أخرج للشارع لمدة أسبوع لحد ما الدنيا مطرت علشان أتأكد أن الشارع اتغسل والنوعية دي من الميكروباصات بطلت أركبها من كثرة خوفي وإن ركبتها بروح أستحمى وأغسل كل لبسي وكل محتويات شنطتي من أول الفلوس وحتى الموبايل. (بالمناسبة بوظت لحد دلوقتي ٤ موبايلات من كثرة الغسيل)
رحت لدكتورة حكيت لها أعطتني فافرين ١٥٠ وقالت لي حالتك صعبة وكده فضلت تسمعني بدون أي تدخلات لمدة جلسات كبيرة ومستفدتش منها أي حاجة لحد ما زهقت.... الفافرين بهدلني خلاني عصبية وإيدي بتترعش ومبركزش في شغلي وبكسر الكوبايات في وش أهلي وحاجة صعبة وكمان سحبته من الجسم مؤذية جدا.
أنا مشكلتي دلوقتي في التحرش خلاص بطلت عادة سرية ومبسمحش لحد يلمسني ووالله بلبس محترم بطريقة متناسبش سني يعني بلبس جيبة واسعة وبلوزات بتاعة ستات ٤٠ سنة وألوان غامقة وبردو مافيش فايدة.
ومع ذلك لازم كل كام شهر يحصل لي حاجة أو رجل يلمسسني بطريقة تخليني أقعد أنظف شهر بطوله.
آخر حاجة حصلت لي كنت في عمرة وبطوف فشرابي اتخلع وأنا بوطي قمت حسيت بحاجة بجنبي في حضن حد بصيت لقيته راجل هندي حيوان مش مهذب لاصق جسمه فيّ...... معرفش ليه الرجالة بيعملوا كده فيّ؟؟ ... ولا أنا اللي مركزة في الموضوع ده بزيادة؟؟
ومعرفش إزاي أتصرف زي البنات الطبيعية يعني حتى لو رجل لمسني أمشي وأكمل يومي عادي من غير ما أروح أغسل كل حاجة بماء وبصابون وممنعش عن نفسي مكان جت عليه رجل المتحرش ده أو مكان جت عليه رجلي اللي دست بها على المكان اللي داس عليه المتحرش. نفسي أبطل موضوع الانتشار السحري ده ونفسي أقعد في مكان مفيش فيه رجالة بتقل أدبها.
معلومة كمان أنا ممكن أتقبل ألمس واحدة تم التحرش بها عادي وأقول هي عمر ما وساختها هتكون زيي طالما أن الموضوع محصلش معايا هعتبرها Dirt زي اللي موجودة على صفايح الزبالة وأتقبلها لكن أي حاجة تحصل معايا أنا تعتبر وساخة من الدرجة الأولى وانتقالها Contagious بحت.
أنا أحكي لكم وأنا حابسة نفسي فى البيت ومش قادرة أنزل عيادتي وشغلي لأن فيه رجل لمسني وأنا في السوبر ماركت إمبارح. حسيت بجنبه في ظهري وأنا ماشية على الكاشير وطبعا مرضتش أركب في عربيتي وروحت بتاكسي علشان خفت لو لوثت كرسي العربية مرضاش أركبها ثاني فسبتها مركونة عند السوبر ماركت ولما روحت رميت كل الحاجات التي اشتريتها وسيئت ونظفت وغسلت موبايلي وكل غرفتي لمدة ٨ ساعات متواصلة وطبعا مقدرتش أنزل شغلي بالليل من التعب وحتى انهاردة مرحتش وخايفة أطلع من أودتي علشان مدسش في الشارع اللي دست عليه بنفس الشوز ده بغض النظر عن أني أكيد مش رايحة السوبر ماركت ده تاني أبدا لأن أي حاجة هناك هتكون ملوثة بإيد الحيوان ده.
المشكلة أن عندي شغل وعندي عيانين مستنيني والمشكلة الأكبر أني طبيبة وبتعامل مع موضوع الانتشار السحري على الـ Microscopic Level فبتعب أكثر ..
أتصرف إزاي أفيدوني.
حاولوا تقنعوني بكلام علمي أن الـ Dirts مبتتنقلش On Microscopic Level ؟؟؟؟
12/5/2018
رد المستشار
الابنة والزميلة الفاضلة "مروة" أهلا وسهلا بك على مجانين وشكرا على ثقتك، واختيارك خدمة استشارات مجانين بالموقع.
حكايتك حكاية سمعت شبيهاتها كثيرا يا ابنتي كما وفقني الله في مساعدة صويحباتها ... ومنهن طبيبات مثلك ذلك أن كلا من التحرش الجنسي المنزلي والتزنيق الجنسي في المواصلات العامة ظاهرتان لا تخلو منهما بناية ولا وسيلة مواصلات في البلاد العربية... وعلى صفحتنا استشارات مجانين كثير من الاستشارات والخبرات التي جاءت على لسان كل من الضحايا والجناة، وكذلك نجد اضطراب الوسواس القهري كثيرا ما يكون واحدا من عقابيل التحرش الجنسي في الطفولة، بل إن من الدراسات ما يشير إلى أن احتمالية إصابة الأنثى ضحية التحرش الجنسي في الطفولة تعادل خمسة أضعاف من لم تتعرض... ولكل ضحية قصتها في كيفية ظهور وتطور أعراض المرض لديها.
جلسات العلاج الكلامي للوسواس القهري لا تكون أبدا مجرد استماع لشكوى المريض وحكاياه عن معاناته فرغم أهمية هذا كنوع من التنفيس، إلا أنه ليس علاجا ولا يشعر المريض بأن لذلك فائدة في تعامله مع مشكلته... ولتعرفي عن ذلك أكثر اقرئي عن العلاج السلوكي المعرفي وتصفحي ما يلي من مقالات:
وسواس التلوث والتنظيف : علاج الغسيل القهري1
وسواس التلوث والتنظيف : علاج الغسيل القهري2
وسواس التلوث والتنظيف : أنواع الغسيل القهري1
وسواس التلوث والتنظيف : أنواع الغسيل القهري2
العلاج السلوكي للوسواس القهري
ليس واضحا تماما يا "مروة" ما إذا كانت وساوس التلوث عندك تتعلق بالتلوث المعنوي فقط أم التلوث المادي أم كليهما؟ والأرجح أنك تعانين من الشكلين من أشكال وساوس التلوث، فعندما عرفت أن عليك الاغتسال والتطهر بعد الاسترجاز (العادة السرية) وقعت في براثن وساوس وقهور التلوث المادي ... لكن ما لا يبدو ماديا هو أن تضطري لغسيل مطول ليس لجسدك فقط ولا جسدك وملابسك وإنما البيت والسلم ليس هذا فقط بل تبقين حبيسة البيت في انتظار المطر حتى يغسل الشارع هذا بالتأكيد تلوث عقلي أو معنوي... خاصة وأنت تقولين (أي حاجة تحصل معايا أنا تعتبر وساخة من الدرجة الأولى وانتقالها Contagious بحت)... ما كنه هذا الذي ينتقل يا دكتورة "مروة"؟ أو الذي يعتبر وسخا من وجهة نظرك ... هل هي إفرازات المتحرش الجسدية أم أنك شخصيا تشعرين بنزول إفرازات؟... أنا لا أتوقع ذلك وإنما أحاول الفهم!
تقولين (أكيد مش رايحة السوبر ماركت ده تاني أبدا لأن أي حاجة هناك هتكون ملوثة بإيد الحيوان ده)... بغض النظر عن كون هذا تعميما مفرطا لأن ذلك المتحرش قد لا كون لمس شيئا في السوبرماركت عدا ما اشتراه ومن تحرش بهن فإن السؤال الأهم هو ما هي المادة الملوثة التي توجد على يد المتحرشين ... نريد ردا علميا كالذي تطلبين!
ثم تقولين في آخر سطور استشارتك : (والمشكلة الأكبر أني طبيبة وبتعامل مع موضوع الانتشار السحري على الـ Microscopic Level فبتعب أكثر ....) والحقيقة أن الأمر كذلك للطبيب وغير الطبيب لكن إقناع الطبيب قد يكون مهمة أصعب بالنسبة للم.س.م (معالج سلوكي معرفي).
ثم تختتمين بقولك (حاولوا تقنعوني بكلام علمي أن الـ Dirts مبتتنقلش On Microscopic Level) والحقيقة أن الأسبق من ذلك يا "مروة" هو أن تقنعينا أنت بوجود قذارات مادية أصلا -لتنتقل على مستوى مجهري- فيما تعتبرينه قذارة! ونريد ردا علميا كالذي تطلبين!
بعض القذارات المادية تنتقل على كل من المستويين الظاهري Macroscopic والمجهري Microscopic ... وقد كلفنا ديننا بحماية أنفسنا من الأول وليس الثاني لأنه ليس بمقدورنا واعتبر البناء على غير الظاهر تعمقا مذموما منهيا عنه فيما يتعلق بأمور الطهار والنجاسة... لكن هذا لا يشمل القذارة المعنوية أو العقلية والتي حقيقة تبقى في ذهن من يستشعرها ويتوجس منها لكن لا وجود واقعيا لها لأن الذي ينتشر سحريا هو الإحساس بالوسخ وليس من وسخ مادي... فإن كنت ترين غير ذلك فإننا نريد توضيحا علميا كالذي تطلبين!...
تجربتك في العلاج النفساني لم تكن موفقة للأسف وللأسف أيضًا كذلك تكون تجارب أغلب الموسوسين كما تحكي لنا هنا الآنسة وسواس في مدونة: الطب النفسي والمريض العربي...تجربة شخصية.... فالمشكلة هي في ندرة المعالجين الحقيقيين وتسيب الممارسة المهنية في بلد كمصر خاصة والدول العربية عامة.
أرجو أن تكرري المحاولة مرة أخرى مع إحسان اختيار المعالج.... وأهلا وسهلا بك دائما على موقع مجانين فتابعينا بالتطورات.