|
| 
|
حب ولا تعلق وماذا أفعل؟
السلام عليكم أنا اتخرجت السنة دي من هندسة مشكلتي ظهرت في السنة التانية أنا بدأت أتعلق بشخص كنت معاه في مشروع تبع الكلية وهو ولد أنا مكنتش بتعامل مع ولاد خالص ولكن الشخص دا أنا حبيته من طرف واحد بس هو كان بيعاملني بلطف وبيخاف علي زي أخته وهو قالي كدا بس أنا مصرحتش لمشاعري والعلاقة دي كانت البداية وانتهت السنة التانية، ودخلت السنة اللي بعدها في علاقه حب من طرف واحد لواحد أنا عمري ما اتكلمت معاه ولا أعرف عنه أي حاجة فقط اللي كان عاجبني شكله وبس وكان معايا في الدفعة وبشوفه في المحاضرات والسكاشن نتبادل النظرات وخلاص.
دخلت السنة اللي بعدها ولأني كنت بعيدة عن أهلي لأني كنت في محافظة مكانتش بتسمح إني أسافر خالص لبعد المسافة والفلوس كنت بسافر كل ترم مرة ومبقعدش كتير عند أهلي في الإجازات بس المشاريع إلى بتبقى تبع الكلية المهم اشتركت في السنة التانية في العمل التطوعي وكنت بتكلم مع كذا ولد كأصدقاء وكدا دخلت في مسابقة واحتكيت بولد وقعدت أتكلم معاه واتعلقت بيه وأنا في الوقت دا كنت وحدي تماما ومضغوطة جداً في الدراسة قعدنا مع بعض بالطريقة دي تقريبا سنين أول سنة كنت بحاول أقلل الكلام وأتكلم مع صحابي وأقرب من ربنا لكن السنة دي اللي هي السنة الأخيرة
بدأت فى أول ٢٠١٨ أتعلق بيه جامد أفضل موجودة في الأماكن اللي في الكلية أدور عليه أقعد أتكلم معاه بالساعات أكتئبت جداً لأنه حب واحدة صاحبتي عملتله بلوك وبعدين رجعت بعد فترة وكنت معتقدة أن المشاعر راحت ودخلت تيم تطوعي علمي ومع الشغل الكتير والاحتكاك بيه ولأنه معي في اللجنة العلمية في التيم دا وكأصدقاء قربنا مع بعض أكتر وقولتله على مشاعري ولو هو بيحبنى ولا لا قالي أنه بيحبني وبيعزني جداً زي أخته لكنه مش بيحبني عشان أنا أصغر منه بسنتين في الدراسة لأنه كان داخل هندسة من معهد مش من ثانوية عامة زيي وقالي عشان إنت من بعيد وفي أسباب كثير مينفعش أرتبط بيك وفي أوقات كنت بقوله اتخلصت من مشاعري عشان مش عايزة أفقده.
وحالياً أنا براسلكم عشان مش قادرة أتصور نفسي بعيدة عنه لي شهر متكلمتش معاه وهو محاولش يكلمنى بتألم جداً وحزينة أوي ونفسي أكلمه بس بقول لنفسي أسيبه هو لما يكلمني يمكن في يوم يرتبط بي خايفة تكون متعلقة بوهم وساعات بقول مش مهم يحبني ويرتبط بي أتخلص من إعاقة وارجع أكلمه هو أنا صح كده ولا غلط ولا إيه؟
تاريخي النفسي في إعدادي كنت بعاني من الوسواس القهري واتخلصت منه بالاستغفار والدعاء في الثانوية كان عندي فقدان الشهية العصبي وفي إعدادي هندسة قلبت على بلومنيا واتعالجت نفسياً منهم بعدين ظهرت المشكلة دي بتاعة الحب من طرف واحد فممكن تقولولى فى إيه؟
بالنسبة لعلاقتي بربنا مقدرش أنكر أنها لطيفة ورحمته دائماً كانت موجودة مكنتش بحب ناس من طرف واحد وبتستغل ضعفي في كل شيء بيحصل
كان لطف ربنا موجود والحمد لله على كل حال
30/10/2018
رد المستشار
وعليكم السلام ورحمة الله وبركاته
مبارك البكالوريوس يا هندسة وعقبى العمل المجزي إن شاء الله، لك ولجميع شباب المسلمين.
ابقي على قطع العلاقة فأنت قد استنفذت كل محاولاتك فيها، ومن جانبه كان صادقا معك بتوضيح مشاعره وصعوبة الارتباط بك، فأي فائدة من عودة الحديث معه. تعلقك الحالي به غالبا نتيجة الفراغ المفاجئ بعد انتهاء الدراسة والمشاريع وتغيير المكان.
ثلاث علاقات حب من طرف واحد تشير إلى درجة واضحة من عدم النضج الانفعالي لديك بنيتي. إعجابك بشخص من بعيد طبيعي ولكن استسلامك لهذا الإعجاب بناء على الخيال غير طبيعي، فغالبا ما يبادر الرجال بإظهار إعجابهم وينتظرون الرد ويزهدون بالعروض العاطفية لهم.
قد يكون تعلقك السريع بأي شخص لطيف حولك ناتجا عن نقص ثقتك بنفسك وإحساسك بأنك تحتاجين من يسندك، وقد يكون اضطراب تعلق.
لا تربطي معاناتك بعلاقتك بربك فكوننا مؤمنين لا يعني أننا كاملون بلا أخطاء، اشغلي فراغك الحالي بالقراءة لتزيدي مستوى معرفتك عن نفسك والدنيا من حولك، مع ازدياد نضجك ستتجاوزين مشكلة التعلق.
تعليقات الأعضاء