ساعدوني مشكلتي باختصار أني بحس إن ثقتي في نفسي محدودة جدا بمعنى أني بعد كل موقف بحب آخذ رأي الناس وأسأل هو أنا تصرفت صح ولا غلط ودايما بحب أفكر في رأي الناس في وفي تصرفاتي وحتى لما أشتري حاجة بحب حد يقول لي هي كويسه اشتريها... رغم إن ناس كتير تقول لي أنت شخصيتك قوية جدا. المشكلة الأهم هي إحساسي بالذنب زيادة عن اللزوم لو حسيت أني جرحت حد بكلمة أفضل ألوم نفسي وأسأله أنت زعلان يقول لي من إيه أقول له لأني قلت كذا يقول أنا مش فاكر أصلا إنت بتفكري في حاجات بسيطة ومتستاهلش. والموضوع ده بيتكرر مع ناس كتير لدرجة أن في ناس قالوا لي أنت إحساسك بالذنب مش طبيعي وفي نفس الوقت لو حد غلط في وأنا مردتش غلطه أفكر كتير أنا ليه مردتش عليه وكان المفروض آخذ حقي لأني بتعامل معه بالذوق وهو كلمني بطريقة وحشة وحقي إني أرد عليه علشان أعرفه إن أسلوبه وحش ولو اتحطيت في موقف محرج لي أفكر كتير أنا إيه شكلي دلوقت؟ ويا ريت ما كان حصل كذا. باختصار مشكلتي التفكير وعدم الثقة أرجوكم قولوا لي أعمل إيه وإيه السبب إني كده؟؟شكرا ليكم 11/08/2006
