يوميات ولاء: حتى مسح الجزمة

 أنا خلاص اتخنقت.. بجد الدنيا بقت نار!!
 
 نار إيه في عز الرصرصة اللي إحنا فيها؟ والناس بتكتك من السقعة؟
 أقولكم...نار الأسعار ولمؤاخذة; اللي كاوية الصغير والكبير والفقير اكتر واحد مكوي بنار....الأسعار.
 
 في جولة تسوقية قصيرة كدت أجن من هول ما حدث للأسعار... غول يلتهم كل شيء بلا تفكير ولا أي رحمة إلى هذه الدرجة.... تخيلوا كل ما اشتريته كان ارتفع سعره بدرجة كبيرة ونسبة مخيفة; ربما لا تحدث في الدول المتقدمة, أقسم لكم أن ما يحدث في غلاء الأسعار "في أوربا والدول المتقدمة" لا يحدث هذا السعار المشتعل من الغلاء....
 
 صديقة لي تعيش في ألمانيا أقسمت لي أن مصر أغلى من ألمانيا، وأن 100 يورو هناك في دولة هي ثالث أقوى اقتصاد في العالم حيث مجتمع الرفاهية والغنى أكدت أن 100 يورو تكفيها في أسبوع، أما هنا في مصر لم تكفيها بدون مصاريف زائدة خلال الأسبوع!!
 أقسمت على هذا... والله على ما تقول شهيد!
 
 تخيلوا معي المواد الغذائية زادت بنسبة رهيبة في مدى قصير... تخيلوا حتى مسح الجزمة زاد أولاً من نصف جنيه إلى جنيه إلا ربع ثم زاد إلى جنيه كامل!!.... "أنا مش هانم ولا حاجة عشان ما ألمعش حزمتي" دي برضه مهما كانت حزمتي مش جزمة حد غريب.
 
 بس المشكلة عندي في الوقت فبروح على الاسكافي "اللي بيصلح الأحذية"  تخيلوا حتى مسح الجزمة في المحروسة زاد...ولسه...دا إحنا هنشوف أيام.......!!
 ربنا يرحمنا.
 
واقرأ أيضًا: 
لسه جوانا شيء يعشق الحياة! مشاركة / الله وحده لا ينام / حاجة وتلاتين مشاركة مستشار