إرهابي

أنا بصرخ بعلو الصوت
أنا إرهابي
أنا قاتل
ومش عادي
أنا بدبح
واكون راضى
أنا لفيت حواليني
الحزام
أنا دمرت
أنا فجرت
أنا مجرم ومش إنسان
أنا للي حلفت ماينامو
وإن ناموا يشوفونى ف احلامهم
أنا لعنه فتحتوها بايدكو ف يوم
ماهنتوني
جرحتوني
وشوفت بايدكو مرار وهوان
عذاب ألوان
وحتى رجولتي مارضيتو تسيبوهالى
كمان أعضائي ختوها
وقدام عيني بعتوها وانا واعي
هدمتو البيت
حرقتو الغيط
قتلتوني قتلتوني
قتلتوا ولادي أحفادي وأحبابى
وببكي دموع هتحرقكوا
تشوهكوا
تدوقكوا
مرار الوويل
تخليكو تخافوا ف يوم تناموا الليل
أنا إرهابي
إرهابي

​واقرأ أيضا:
قلوب سوده/ حب يعني/ كمان قرب/ بقى لي كثير/ إعدام حبل المشنقة