غلابة

غلابة بس بنتغابى
ونتقاتل ونتعادى
ولو عوزنا في يوم حاجة
ونلناها مانتراضى
ولو حد شاف في إيدك حاجة
هايقطعها وياخدها وكأنه ماخد حاجة
كأنها بقت خلاص غابة
بنشتكي فيها من الظالم ونتظالم
ونتخاصم ونتحاكم
كأنها بقت خلاص عادة
ونبكي كل يوم على حالنا
كأن البكى بيحللنا
ويشفي في الصدور حاجة
مع أنه لابيشفي ولا بيجدي
بس لأن ما بنقدر نعمل غير البكى حاجة

اوعى تكون غلبان في دنيا ما بترحم
واكسر جبال الغلب واترحم
على الدنيا
واعمل من الحديد قلبك
واترحم على الطيبين بعدك
ودوس اكتر
وكشر في وش اللي بيكشر

واقرأ أيضا:
عيش عم عبده