ماما ويا يُمَّا ويا أمي
ساكنة في قلبي وروحي وف دمي
نعمة وهبها ربنا وسواها
علشانَّا إحنا شمعة تفني ضياها
وتبيع هناها عشان تهني ضَنَاها
وف حضنها طول عمري متهني
ماما ويا يُمَّا ويا أمي
ساكنة في قلبي وروحي وف دمي
***
بسمة وفجت جوه ليل غربتنا
قادت شموعها.. اتونست وحدتنا
دي الأم شمس منورابها حياتنا
ويَمَّا دا انتي عزوتي ووطني
ماما ويا يما ويا أمي
ساكنة في قلبي وروحي وف دمي
***
يا ملاك يا طاهر ربنا يرعاكي
وياريت أعيش العمر كله معاكي
ما احملشي هم الهم ما انتي رضاكي
بيشيل هموم الدنيا دي عني
ماما ويا يما ويا أمي
ساكنة في قلبي وروحي وف دمي
***
دعوة صلاة الفجر دي ليَّـا
تفتح ببان الضي حواليَّـا
تكشف طريق الرزق لعنيَّـا
والجنة أدخلها برضا أمي
ماما ويا يما ويا أمي
ساكنة في قلبي وروحي وف دمي
واقرأ أيضا:
خصام الحبايب/ الحب القاسي/ استشارة مجانية في الوسواس القهري/ عودة سباعيات المجنون الفصيح(4)/ إلى مدمن!!!/ إلى مريض الهوس/ إلى مكتئب/ إلى مريض الفصام/ إلى مريض الوسواس
تعليقات الأعضاء