صاحبتي

صاحبتي كانت ليَّا كل دنيتي
 
 أبكي وبإيديها تمسح دمعتي
 
 أحكي وبحنانها تسمع شكوتي
 
 وفي يوم لقيتها مع اللي كان سبب كارثتى
 
 هو ده اللي كنتي بتقولي إنه ميستهلش جنتي
 
 إبعدي عنه هيجرحك ويعذبك ويعيشك وحدتي
 
 سحره هيشدك لغدره زي ما شدني
 
 صرخت وحذرتها مسمعتش صرختي
 
 هجرتني وراحت لواحد كان سبب دمعتي
 
 بس مش هسيبك تجرحها زي ما جرحتني
 
 ولا تعذبها زى معذبتني
 
 لو حتى سبتني عشانك وآلمتني زي ما انت آلمتني
 
 لازم أفوقها دي مهما كان كانت في يوم صاحبتي
 
 
 واقرأ أيضا:
 وحداني / أبدًا مش هرجعلك / الفيديو كليب / كان يا مكان /  أنا والسما / صيــــاد