تحت المطر
واقفين..ساكتين
وصوت الحنين مَوْجُوع
نِزِل المطر
فوق الخدود
يِدَارِيْ لون الدموعْ
ومين هيبدأ بالودَاع
ويبْكي بحُرْقَة ع اللي ضَاعْ
ومِينْ هَيْعِيْش العمر كله
يحاول يِهْرَبْ م الضياع
**
لا ماتُوعدنيش وماتقولِّيش
إنك مش هتقدر تنساني
مش هصدق إنك تفتكرني
وانت ف حضن حد تاني
ومين هيبدأ بالوداع
ويبكي بحرقة ع اللي ضاع
ومين هيعيش العمر كله
يحاول يهرب م الضياع
**
حبي ف قلبك مهما عاش
لازم يبقى له نهاية
كلمة واحدة ماقولتهاشْ
بيها هتنتهي الحكاية
ومين هيبدأ بالوداع
ويبكي بحرقة ع اللي ضاع
ومين هيعيش العمر كله
يحاول يهرب م الضياع
واقرأ أيضا:
زمن الحب انتهى.. / اعترافات امرأة ! / خريف لم يرى الشمس / قبل قلبك أحبك.... لأنك
تعليقات الأعضاء