سباعيات المجنون الفصيح (14)
(29)
فتح مخك
- جوه ديوانا الكوسة نقاوة
والكيلو عندنا بعلاوة
قدم رشوة وقول دي هدية
وأنا ها أقبلها بحسن النية
والمصلحة محتاجة زكاوة
جوه ديوانا تفتح مخك...
ويا رئيسك تمشي حلاوة (1)
عجبي
(1) ويا: بتشديد الياء
(30)
كرسي الحكم
- لف يا كرسي الحكم ودور
ويا ويله اللي عليه الدور
اللي ها تاخده وتوصل بيه..
سابع سما بعدين ترميه
وتقول دي نهاية المغرور
اللي الكرسي لعب بدماغه..
دور العظمة وعاش في الدور
عجبي
******
ويتبع >>>>>>>>>>> : سباعيات المجنون الفصيح بعد 30
واقرأ أيضا:
أغنية للأم/ خصام الحبايب/ الحب القاس/ استشارة مجانية في الوسواس القهري/ عودة سباعيات المجنون الفصيح(4)/ إلى مدمن!!!/ إلى مريض الهوس/ إلى مكتئب/ إلى مريض الفصام/ إلى مريض الوسواس
تعليقات الأعضاء