سباعيات المجنون الفصيح (15)
استدعاء
وكأنك يا بلادي علينا
وكأنك يا بلادي مصرة
نكره مصرية أسامينا
دا الواحد فينا ما بصدق
انه ف شغلانة يترستق...
ويا دوب ها نسد اللي علينا!
بيروح الجيش مستدعينا!!.
عجبي
****************
علشان مصر
علشان مصر بلدنا أنا جاي..
وبلاها عيادتي ومرضاي!!
ألقى المطلوب بس (تمام)...
ناخده ونقعد نشرب شاي!!
طب هو الجيش مستدعينا
لجل ما نقعد مع بعضينا...
قعدة حظ ونشرب شاي!!.
عجبى
*********
كلاب الكفار
هوهوي يا كلاب الكفار
على اسم نبينا المختار..
صحي الأسد النايم فينا..
لجل ما ياخد حق نبينا..
ويشيل عن إسلامنا العار.
وان كانت أوربا بترسم..
بالحبر...ها نرسم بالنار
عجبى
**************
خافوا لو اتكلمت
أنا ساكت خافوا لو اتكلمت
أنا صابر وكتير استحملت
على أرضي الطاهرة ماشيين...
بايعين بضايعكو وشاريين!!
انما لو وصلت للدين.......
لأ..خاف على نفسك ياللي غلطت
وان دست على الخط الأحمر...مت
عجبي
*******************
قانون الجاذبية النفسية
شداني الأرض بجاذبية
من طينة نفسي البشرية
مع إني بكبر واتقدم
واحتل مراكز حيوية
وافضل اعافر لجل اطلع فوق..
واما أوصل بياخدني الشوق..
أرجع للطينة الأصلية!!!!!.
عجبي
ويتبع >>>>>>>>>>> : عودة سباعيات المجنون الفصيح(6)
واقرأ أيضا:
عودة سباعيات المجنون الفصيح(4)/ إلى مدمن!!!/ إلى مريض الهوس/ إلى مكتئب/ إلى مريض الفصام/ إلى مريض الوسواس
تعليقات الأعضاء