قبل عيد الفطر يا سادة يا كرام.. وف أواخر أيام شهر الصيام
قالت لي زوجتي المصونة والجوهرة المكنونة.. عايزين يا تيتو كرتونة
فيها أربع صفايح سمنة بلدي.. وعجوة مع السمسم مطحونة
علشان نعمل الكحك يا أمووور.. والبسكويت مع البتيفووور
وبعد إلحاح وجدال.. منها ومن العيال
وافقت على مضض.. على عمل كمية اقتصادية..
يا دوب تكفي الضيوف.. ويفيض لينا شوية..
وعنها وراحت هابرة مني النقدية..وكل دخل العيادة في الجمعة المنتهية
قلت يا واد كبَّر دماغك.. واعمل نفسك مش واخد بالك!
وعنها يا هُمام.. ولمدة تلات تيام.. والبيت يضرب يقلب بدون نظام
وصوت مراتي بيصرخ في البواب..
يا واد يا فراج.. حُط أيدك يا مدهول وامسك كويس آخر صاج
وقل لعبده الفرَّان.. لو أي صاج اتلسع.. هاخلي نهاره قطران!
ولما فاض بيَّا الكيل.. قلت لها.. جالِك أيه من هدِّ الحيل؟!
ما كنتِ اشتريتِ كام كيلو جاهز.. من "سويت" أو "حلواني النيل"
ردت وقالت ما معناه.. ما تروح على عيادتك يا ادلعدي
وما تقف لناش زي العمل الردي!!
ولما رجعت بالليل من صلاة القيام
لقيت مراتي مع ستات الجيران
ماسكين في رقبة الواد عبده الفرَّان!
قلت لهم.. جرى أيه يا جماعة؟! صوتكو عالي ولا راديو الإذاعة!
قالت الست عزيزةْ.. مرات محمد أفندي بريزةْ
اسكت والنبي يا دكتور.. الواد ده حرق دمنا وخلى الأعصاب تفور
تحرق كل الصيجااااان!؟!! إن ما وريتك يا طووور!!
ولم يكترث صاحب الفرن الفظ.. وقال لها في منتهى البرود.. طُظْ!!
أنا هادفع ليكو كل التكاليف.. ولا يهمني زعيق ولا تسقيف!
ودخلتُ شقتي في صمت شديد.. جارر ورايا مراتي بأيد من حديد
وما أن دخلنا الدار.. حتى لاذت بالفرار.. واختبأت مني في غرفة الكرار!!
وبعد أن تأكدتْ من هدوء ثورتي.. وانطفاء جَذْوة غضبي ونقمتي
على الفلوس اللي راحت وعلى بهدلة شقتي.. وقلة منامي وصحتي
قالت بخبث شديد.. يا تيتو.. وحياة محبتي وحسن عشرتي
هات لنا تلاتة كيلو كحك وبسكويت
من "حلواني النيل" أو من "سويت"!
واقرأ أيضاً:
قالت لي زوجتي المصونة والجوهرة المكنونة.. عايزين يا تيتو كرتونة
فيها أربع صفايح سمنة بلدي.. وعجوة مع السمسم مطحونة
علشان نعمل الكحك يا أمووور.. والبسكويت مع البتيفووور
وبعد إلحاح وجدال.. منها ومن العيال
وافقت على مضض.. على عمل كمية اقتصادية..
يا دوب تكفي الضيوف.. ويفيض لينا شوية..
وعنها وراحت هابرة مني النقدية..وكل دخل العيادة في الجمعة المنتهية
قلت يا واد كبَّر دماغك.. واعمل نفسك مش واخد بالك!
وعنها يا هُمام.. ولمدة تلات تيام.. والبيت يضرب يقلب بدون نظام
وصوت مراتي بيصرخ في البواب..
يا واد يا فراج.. حُط أيدك يا مدهول وامسك كويس آخر صاج
وقل لعبده الفرَّان.. لو أي صاج اتلسع.. هاخلي نهاره قطران!
ولما فاض بيَّا الكيل.. قلت لها.. جالِك أيه من هدِّ الحيل؟!
ما كنتِ اشتريتِ كام كيلو جاهز.. من "سويت" أو "حلواني النيل"
ردت وقالت ما معناه.. ما تروح على عيادتك يا ادلعدي
وما تقف لناش زي العمل الردي!!
ولما رجعت بالليل من صلاة القيام
لقيت مراتي مع ستات الجيران
ماسكين في رقبة الواد عبده الفرَّان!
قلت لهم.. جرى أيه يا جماعة؟! صوتكو عالي ولا راديو الإذاعة!
قالت الست عزيزةْ.. مرات محمد أفندي بريزةْ
اسكت والنبي يا دكتور.. الواد ده حرق دمنا وخلى الأعصاب تفور
تحرق كل الصيجااااان!؟!! إن ما وريتك يا طووور!!
ولم يكترث صاحب الفرن الفظ.. وقال لها في منتهى البرود.. طُظْ!!
أنا هادفع ليكو كل التكاليف.. ولا يهمني زعيق ولا تسقيف!
ودخلتُ شقتي في صمت شديد.. جارر ورايا مراتي بأيد من حديد
وما أن دخلنا الدار.. حتى لاذت بالفرار.. واختبأت مني في غرفة الكرار!!
وبعد أن تأكدتْ من هدوء ثورتي.. وانطفاء جَذْوة غضبي ونقمتي
على الفلوس اللي راحت وعلى بهدلة شقتي.. وقلة منامي وصحتي
قالت بخبث شديد.. يا تيتو.. وحياة محبتي وحسن عشرتي
هات لنا تلاتة كيلو كحك وبسكويت
من "حلواني النيل" أو من "سويت"!
واقرأ أيضاً:
فين المصري؟؟؟ / منتهى العقل / الموظفون في الأرض! / المجانين في نعيم! / دنيا النص ف الميَّة / يابتاع الفول والطعمية...
تعليقات الأعضاء