عودة سباعيات المجنون الفصيح(6)
*ع الدوار 2
راديو بلدنا فيه أسرار
بيقول المأمور اتحكّم
فينا بيضرب يشخط يشتم...
طب ليه كده؟، هو استعمار؟؟
قال الراديو البيه عمدتكم..
رخص تمن البيعة وباعكم...
وطلع له بكام ألف دولار!!
عجبي
***
*ع الدوار 3
راديو بلدنا فيه أسرار
بيقول المأمور حِليت له
قريتنا بعت جاب أهله...
سوّاح ف بلدنا وزوار!!
قالو دا جاركم طمعان فيكم!
مطّرين نقعد نحميكم...
واهى جت منهم مش م الجار!!
عجبي
******
*ع الدوار 4
راديو بلدنا فيه أسرار
بيقول المأمور بيدور
على بلد الزيت المتكرر
قلت مافيش ف بلدنا أبار!!
قال ها تعيشوا لو صهينتم
لما المأمور يضرب جاركم...
قلت ف داهية يغور الجار!!
عجبي
ويتبع >>>>>>>>>>> :عودة سباعيات المجنون الفصيح(8)
واقرأ أيضا:
أغنية للأم/ خصام الحبايب/ الحب القاس/ استشارة مجانية في الوسواس القهري/ عودة سباعيات المجنون الفصيح(4)/ إلى مدمن!!!/ إلى مريض الهوس/ إلى مكتئب/ إلى مريض الفصام/ إلى مريض الوسواس
تعليقات الأعضاء