عودة سباعيات المحنون الفصيح (11)

*انزلي يا نعال اللي ما يرحم
على رأس اللي ما يقرا ويفهم

الدرس اللي اتقال واتعاد...
وحصل في القدس وبغداد..

ويا ريت م الدرس بنتعلم!!
ولا احنا عشان نبدأ نفهم..

لازم ننزِف أو نتألم!!!!
عجبي
*******************************

الحلقة التالتة
*الحلقة التالتة يا لبنان
في مسلسل أرض الأحزان

أول حلقاته فلسطين
والتانية يا بغداد على فين؟

والتالتة قولي لي يا لبنان
على مين الدور بعدِك قالت...

على سوريا يا إمّا على إيران!!
عجبي

*******************************

الفيلم الهندي

*الفيلم دا هندي وعارفينه
شفناه كذا مرة وحافظينه

أول حزب الله ما بقاله...
درع وسـيف واتحسـن حاله..

استغربنا ازاي سايبينه!!
أتاريهم راسمين على موته..

هو وكل الللي مسـاعدين!!!.

عجبي

*******************************

اطلع من صمتك

*اطلع من صمتك واتكلم..

من تاني يا بن لادن!!، علِّم..

على كل اللي بيجرح فِينا

فكّرهم بالنار في جهنم..

لو قرّبوا من اسم نبينا
ارفع صوتك قول للبابا..

مـالك بمحـمد يا.... أخينا!!!
عجبي
*******************************

مات بن لادن
*لو مات بن لادن، ودا ممكن..
عفريته ها يِطلع في واشنطن

ويقولـوا دا وقّع عمارات..
علشان بن لادن بقى صورة

بتجسّد ظلم الولايات!!
واللي بيظلم بيـعيش خـايف...

م الـبعبع!! حتى إن كان مـات!!!!!!
عجبي