الأطفال رسموا كاريكاتيرهم
وقالولنا عيال مش فاهمين
وشعار حرية تعبيرهم
كان تبرير للصحفيين
لكن لما البابا كبيرهم
يغلط فينا نشكى لمين ؟!
****
مين غيرنا احنا اللي هايتصدّى
للي اتعدّى على الإسلام
ويواجه بمواقف جادة
مش بمجرد رص كلام
مانقولش دا سوء فهم وعدّى
ويبان إسلامنا استسلام
****
دينّا يدينّا إذا اتخلينا
عن مبادئنا وعن أخلاقنا
ومادمنا احنا المجني علينا
ولا عمرنا بإساءة بدأنا
ليه نسكت على سب نبينا
ليه نتسامح مع أعداءنا ؟
****
فاض الكيل وطفح يا أئمة
واتكالبوا علينا الخواجات
مع ان احنا أفضل أمة
بين أتباع كل الرسالات
بس عشان تنزاح الغمة
لازم نواجههم بثبات !
****
واقرأ أيضا:
زمن البصل / بيت حانون / فزورة / الفلاح والفرخة
تعليقات الأعضاء