أنا و أنت
أنت و أنا
وجه واحد لعملتين
أتنين صحيح
لكن واحد
واحد صحيح
لكن أتنين
حاجه آخر لخبطه
ف غاية الوضوح
زى الشمس
ف نص الليل
موجودة صحيح
لكن ف مكان مش متشاف
والـسما إزاز
والـكون شفاف
يبقى العيب ف العين؟؟
ولا زحام البني آدمين؟؟
ولا زغللة الأحلام
ومطوحة السنين؟؟
ولا السكات؟
ولا كتر الكلام؟؟
ولا خطرفة العمر الهجين؟؟
ولا...ولا...ولا..ولا
المساكين
زيى زيك
ف حواري السؤلات الضلمة
مش شايفين
مش عارفين
مش فاهمين
حاجه آخر لـعبكه
ف غاية البـساطة
وبتتلخص ف كلمتين
أنا و أنت
أنت وأنا
وجه واحد لـعملتين
أتنين صحيح
لـكن واحد
واحد صحيح
لكن أتنين
اخرس كفايه هرتله
ليقولوا بيكلم نفسه
وابقى على آخر الزمن
..
واقرأ أيضاً:
فنان مغمور / أف
تعليقات الأعضاء