كلاب الأمير

"أنا المصري كريم العنصرين
 
 بنيت المجد بين الأهرامين"
 
 يا عيني عليك يا "سيد" جملة حلوة
 
 قوى متبروزة ما بين قوسين
 
 ولما بننزنق بنقولها دايما
 
 يا "درويش" واحنا – قال إيه - فرحانين
 
 لكن مين اللي هيصدق كلامك
 
 وحال المصري أصيح زفت طين
 
 خصوصا بعد ما كلاب الحراسة
 
 بقوا بشراسة فعلا مدمنين
 
 لدمه ومنعه من حقه الطبيعى
 
 كصاحب بيت في إنه يكون أمين
 
 على أرضه –اللي مفروض تبقى أرضه–
 
 ويتعالى عليه اللاجئين
 
 ولو حاول مذيع "تسعين دقيقة" يقول الحق للمتفرجين
 
 يلاقى خلق - شربوا معانا نيلنا
 
 وقاسمونا الرغيف - متعاطفين
 
 مع كلاب الأمير ويجوز يطالبوا
 
 بتعويض للكلاب م المعضوضين
 
 خلاصة المسألة على رأى ثومة
 
 باقولها "نروح لمين ونقول يا مين"!
 
 
 واقرأ أيضا:
 طفل العبارة / أنا بوليس / فزورة / الفلاح والفرخة / لبن سيراميك / بير بترول