أف

لما الدنيا بتلطش وياي

وتضيق

وتجيلي أعراض اليأس

دبلان في الحلم

نشفان في الريق

وأبدأ أشوف الكون بهتان

ممسوخ.... ممسوح منه الألوان

ويبقى كل الناس دبان

غلس وخنيق

وألقى جوا نافوخي ميدان

زحمة ودوشة وزعيق

والوقت بتناحته المعهودة

ماشي بطيء

وال (افففففف) الطالعة من الروح

بتشعل جوايا حريق

ساعتها ما بلقاش إلا سريري

بيحتويني ويفهمني

ولا أوفى صديق

وبيفتح دراعاته ويحضني

وبيهمس في وداني بحنية

النوم بالنسبة لك دلوقتي

أحسن شيء