ـ لقمة عيش أو رغيف
هما الاثنين في الوزن واحد
ـ ولو وقفت في الطابور
هتلاقي قصادك ألف واحد
ـ آه لو معاك فزيتا أو تعرف عم إيه
راح يعدي اللي قصادك ويديلك بالجنيه
ـ عمرك سمعت عن حد مات وهو واقف في الطابور
عم عبده كان هنا واقف قصادي من شهور
ـ ويوم طلع النهار ورحت تاني عاطّبور
وقلت أسأل عن عم عبده والريس أحمد والعمة نور
مقلتش فيهم عم عبده
مع أني شايف اللي كان واقف وراه اللي قصاده واللي جنبه
ـ قالوا لي ده وصل لعم إيه
ولما حط إيده في جيبه علشان يطلع الجنيه
ـ ولقى عيشه اللي عايزه وخلاص مسكه بأيده
هنا صرخ عم عبده حد يا ناس شاف الجنيه
وقع من طوله عم عبده مش مصدق اللي فيه
ساب كله اللي في إيده وراح يمسك ايده
بص عم عبده على عيشه اللي كان هايخده
ومات والبسمة راسمة شافيفه
والدمعة واقفة في عينيه
وكأنه كان عايز يقولي حاجة
تفتكروا كان عايز يقولي إيه !!
واقرأ أيضًا :
غلابة / عسى..يا عَسى! / تعالي..تعالي! / تقوى ! / كوفاد / من قصيدة لبغداد
تعليقات الأعضاء