واجب عزاء قاتل شهيد المروءة والكرامة
العبد للرحمن وحده
فيه
*********
عصفورة جايّة ترفرف حواليـَّا من على بُعد
قال أيه جايالي تِعَزِّي تبكي كأنه بجَدّ
وقرَّبِت مني خالص بشووق يفوق الحد
حتى العصافير أحست يا دي الهنا والسعد
لكن فوجئت انُّه جايب معاه جهاز العد
يحصي لي أنفاسي ولِاْمّ واْخْتِ الشهيد
وللي جايِّـين يِعَزّوا وقريب لسابع جــِـد
الدنيا زحمة وهـيصة ومفيش سُرادق أُعِــدّ
حـــابل ونابلِ اْختلط خلطة غريـــبة بجد
تلْقـَى الغني والفـقـيرجنب االوزير والغفير
واللي وراه مــــوكبه لأنه رتبـــة وأمير
جنب الفتى السباك وقريب يدوبك أجير
حتى اللي جاي شمتان أو اللي جاي علشان
يؤدي واجب عليه سلف ودين من زمان
الكل صار لخبطيطة والنخبة مش حتبان
ولا حيقدر يميز بين العزيز والجبان
ولا بين قريب مني، ولا صديق عمري
ولا بين حبيب مكلوم ولا حية أو تعبان
فجأة لقينا اللي بشخط: متوسعولي يا ناس
قالو له طب مين فخامتك رد وبلا إحساس
لحقتوا تنسوني؟! "سِوسِو" سيدكم
وتاج راسكم يا سفلة يا أنجاس
وبنفخة كدابة؛ دا كان لسان حاله
وعشان مناسبة عزا قال الكلام بمقاس
وطلـَّع أحسن ما عنده دارَى اللي مترسب
ومكَدّره وذَلُّه سنتين في قعر الكاس
فجأة استثارني حقيقي بكبره وغروره
أيه اللي جابك تاني يا عرة الإنسان؟
راجع بصلفه وغروره رافع لواء التمرد
على رئيس منتخب قد أعلن العصيان
وقال بكل التحدي: يا أيها الدرويش
لما نبذتوني تبغون تذلوني آواني الشيطان
زودني بالتكنولوجيا وكل دعم لوجستي
وسلاح حيردعكم وبالدولار أطنان
فهِّمني معنى الزعامة،السطوة فوق الكرامة
رسم لي خطة طريق ميحطهاش الجان.
(1)جمال مايخلفش حسني مفيش ولاء للبيادة
لو قال ديموقراطي يتهدم البنيان
لازم يكون ديكتاتور حيكَبِّل اْلأوطان.
(2)حسني يطير بانقلاب سلبي سريع بحساب
نؤيد الثورة ونشيد بروعتها وواضح الغليان
عملية سهلة وبسييطة ويخلفُه سُليْمان
(3) انت كاريزما وجاهز تبقى ولي العهد
تبقى زعيم العرب يَخلـــو لك الميدان.
(4)خطة بديلة فرضا نجحت الثورة، حتبقى
من غير راس؛مين اللي جاهزيشيلها؟
نجهـِّـزِ الفخ ليهم مبروك عليكم شِيلوها
فكر كويس معايا فيه مين غير الإخوان
وبانتخابااات نزيهة سلمهم المفتاح
والقَطـْر والعربات ؛؛ إلا الجنود والسلاح
وانا وانت ويا الفلول وجميع نصارى مصر
والفاسدين في القضا حيأيدوك بالأمر
والسحرة والكذابين من مفسدي الإعـلام
والداخلية ملانة كتير خسيس وجبان
ندمّر القطر كلـّه أو نسرق القضبان.
نـثـبت فشلهم لشعبك هنا شطارتك تبان
في مصر دولة عميقة ، تقدر تجندها
فيه أزمة كل دقيقة ودا يبقى يوم عيدها
والعالم الخارجي في إيديّا سياساته
والمسلمين العرب من ثورتك في الرعب حيباتو
*********
خطط لعمل انقلاب ونقول عليه ثورة
ساعتها تبقى الزعيم رمـّــانة الميزان .
مخابرات، أمن دولة، مباحث، نصارى
ومرشدين بلطجية رجالة أو نسوان
سنتين ونص اختفيت وانت فاكرني انتهيت
غـيّـرت إسـمي بـس لابـِد في كل مكان
عَمّال أخطط واْرتِّـب واخترت دور إبليـس
ما دام السياسة نجاسة خلّيت لك الإيمان
إحلف ؛ حلفت اليمين ما بخافش م اللي جاي
ظـبَّـطت كل الخـطط جــوّا وبــرّا السراي
خوفتني باليَمين؟! هروح جهنم؟؟ آمين
فكرت أني عيونك وانا في الحقيقة بخونك
إزاي رئيس درويش؟ ماشي بدُعَا الوالدين
أنا البطل شـمـشـون دربني أبناء شارون
وأظن شفتوا اللي كان والدعم م الأمريكان
ثورة يناير حلم والنُخبة ضحكت عليكم
قالولكو حرية.....عيش؛ وكرامة الإنسان
ونظـَّرولكم كتييييركأوروبا والأمريكان
لازم أرجعكو تاني ، يا شعب مصر جبان
لأقتلن الرجال حتى ولوبالصعيدوأجند النسوان
تدمير عقول بالكذب واللي حينطق يعارض
يا القتل، أو تسجنوا جـوا جحور الفيران
بتحلموا بالخلافــة؟! هِيهات.... هيهــات
الصهيونية.. صاحية، الماسونية.. صاحية
العلمانية.. صاحية، حتى أميركا.. صاحية
وابن سبأ لم يـمت، استنسخوه من زمـان
مرة يكون بشّـــار، أشكال وأجناس عديدة
مــرَّة يسمـُّوه كمــال، مـرة يكـون خلفان
بكري وأديب ولميس، وكتيير كتيير متعدِّش
نـمـنـم وقد الـنملـة أو له سـنـام حـيـوان
ودا خبير ومحلل أومستشار ومفكر
البعض منهم ذكــور وبعضهم نـســـوان
وان كان "نتن ياهو" ناجح يعجب كتير منكم
أنا ضليع في النتانة وفوق كدة خَــوّان
أنا الزعيم الأوحد ، والألمعي المجدد
لسة مشفتوش حاجة بكرة المخبي يبان
آدي ال cv بين اديكم على الله تملا عنيكم
صفاتي ومؤهلاتي وإنجازاتي كمان
معتمدة من إسرائيل ومحافل الماسونية
ومن طغاة الخليج وأوروبا والأمريكان.
*********
الاثنين 24/ ذي القعدة / 1434 هـ الموافق 30/9 /2013م
م/ حسين حسن محمود والد الشهيد بكرم ربه :المهندس /عبد الرحمن محمد حسن عبد الباري
واقرأ أيضاً:
ناشدت الغافل... لا تغضب / مرسي والكرسي / العناق الأخير / يا فاحِصَ النفس أقلِعْ تُبْ؛ وكفاك خُسرانا ؟ / ادعوا معي / عنزة ولو طارت / اللي استحوا ماتوا / ما دورك لصلاح المسرح / يا مرسيا
تعليقات الأعضاء