|
| 
|
وساوس الميول الجنسية
يا دكتور أنا حصل لي نوبة هلع وجاءت لي بعض الوساوس الكتير وكنت آخد دواء. أنا بعت كذا استشارة بخصوص كذا حاجة بس عشان الكلام كان كتير يا دكتور وائل وده أكتر وسواس قلقني. أنا كنت بحب شاب من طرف واحد واتخانقنا وفي نفس اليوم اللي تخانقنا فيه كنت بتصفح النت وجدت بنتين على النت بيهزروا بيقولوا إن كل الرجال كاذبين وأنه لولا الإسلام لتحولنا إلى مثليات.
الجملة خوفتني جدا طبعا وبدأت الوساس تزداد بأني هبقى مثلية الميول وعشان قبلها بمدة كبيرة سامحني الله كنت أشاهد مقاطع إباحية من اليوتيوب وبدأ الموضوع يزيد وفضولي زاد وكل ما ينتهي أحب أشوف اللي بعده, وشفت مقاطع لمثليات بالصدفة فتفرجت أنا مشفتفش في حياتي غير أربع مرات تقريبا مقاطع لمثليات وكنت في المرات دي بقفل الفيديو وأقوم استغفر ربنا وشعرت مرة واحدة بس بالإثارة من مقطع مثليات والباقي كنت بقرف من نفسي ورجلي تنمل وأقوم بسرعة وأستغفر ربنا جدا وأقفل اللي بشوفه.
حلفت على المصحف إني مش هتفرج على أي نوع وبقيت أصلي وأقرأ قرآن وقربت لربنا. يا دكتور أنا بس سؤالي أنا كدة فعلا غير مستقيمة في ميولي أنا والله العظيم عمري ما فكرت تفكير غير مستقيم كان اللي مصبرني على الدنيا إني هلاقي فارس أحلامي لأني عمري ما ارتبطت رغم أنه أنا عندي 23 سنة أهو وعمري ما اتحبيت, معنديش ثقة في نفسي ونادر لما ولد يعجب بيا و أنا في بيت حالاته العاطفية كويسة جدا وإخواتي مرغوبين، بس صادفت خناقتي مع الشاب اللي حبيته من طرف واحد تيجي الجملة بتاعة البنات دي قدامي وتصدمني وتخوفني إني ممكن أتحول وبدأت أفتكر وأربط اللي كنت بشوفه رغم أن الوسواس ده جالي بعدها بمدة.
أنا محصليش حوادث وأنا صغيرة غير مثلا إني كنت بحب أقلد أي حاجة فكنت بحاول أقلد لبس الراقصة وأستعرض بيه في الشباك قدام جارتي المريضة من ذوي الاحتياجات الخاصة كانت مش بتتكلم ولا بتسمع وأنا كان نفسي أعمل زي الراقصة وحد يشوفني وأنا يبقي عندي جمهور.
ومرة ثانية صديقتي كان عندنا ست سنوات تقريبا اظهرت لي عورتها وراحت لابسة لبسها تاني بسرعة وأنا كان رد فعلي إني ضحكت ولم أستوعب نظرا لصغر سني ومرة تانية فتاة صغيرة من متلازمين داون لمست عورتي في حمام السابحة وأنا لم أعمل أي رد فعل أصلي كنت صغيرة فعلا وكان عندي سبع تمن سنين وهي من ذوي الاحتياجات متلازمة داون وممكن تكون ماكانتش قاصدة وأنا كنت تناسيت كل ده أصلا وقولت إيه الهبل ده وبضحك على نفسي بس هل الحوادث دي لها علاقة؟ أو لها تأثير.
أنا كل فترة في حياتي تأتيني فكرة تربكني لأني متوترة وموسوسة بالوراثة من أمي وجدتي وذهبت للطبيب النفسي وكنت آخذ عقار سيرباس نظرا لنوبات هلعي وبطلته لأن ماما بتقولي إني مش مستاهلة اللي بعمله ده ولم أذهب في ميعاد استشارتي.
أنا كنت بدأت أتحسن والله لولا عادة مشاهدة المقاطع الإباحية عشان الذنب بيبوظ حياة الإنسان’ يا دكتور أنا كل ما تأتيني أحلام يقظة مع ولد أو فارس الأحلام يقطعها الوسواس بأني لست مثل باقي البنات وأني مابقتش زيهم وكنت قريت على النت أن الفرجة على الكلام ده بيحول ميولك وأنا من ساعتها مرعوبة وكل ما أخبط مثلا في بنت ألاقي دماغي تقولي طبعا أنت قاصدة تعملي كدة وبخاف وأنا بلمس أي بنت لأكون قاصدة ومرة حلمت إني عند واحدة صاحبتي (هي صاحبتي في الحلم وأنا لا أعرفها في الحقيقة) متجوزة وفوجئت أنها بتمارس شذوذ واتذعرت جدا في الحلم وقمت مذعورة من الحلم وقلبي كان بيدق بسرعة.
أنا جبت مصحف حلفت إني مش هتفرج على أي إباحي تاني بس هتجنن يا دكتور أنا ليه بقيت باردة مش بحلم بأي شاب والأحلام الوردية نظرا لأني في سن الخطوبة عندي 23 سنة ومتخرجة أنا والله وصلت لمرحلة إني مش هتجوز ولما بتيجي سيرة الجواز بخاف جدا! أنا كان اللي معلقني في الحياة إني هييجي واحد ينسيني الهموم
ملحوظة تانية يا دكتور أنا أي فكرة أقرأها بتأثر بيها مرة واحد كان كاتب أنه بيستغرب ملامح البشر وليه الناس شكلها كدة أنا تلقائيا بقيت كدة فترة وأستغرب الناس زيه!!
ملحوظة تانية يا دكتور أنا لما بيجيلي الوساوس التانية بقعد أقول طب إزاي هاتخطب وأتجوز وأنسى فكرة وسواس الشذوذ دي كأني بحارب فكرة بفكرة تانية!!
جاوبني يا دكتور أنا طبيعية؟
هل أنا مش مستقيمة في ميولي؟
وهل الفكرة دي لو وسواس هتخلص منها؟
30/10/2015
رد المستشار
شكراً على استعمالك الموقع وتمنياتي لك بالسعادة والنجاح.
لابد من الرد على استشارتك بصراحة ومن وجهة نظر طبنفسية بحتة بدلاً من تسطير مواعظ وحكم. محتوى الاستشارة يتميز بما يلي:
1- الطرح العام لا يخلو من السذاجة وربما يعكس خبرة متواضعة في ميادين الحياة المختلفة وعدم وجود تواصل اجتماعي يسد احتياجاتك الشخصية والتطورية.
2- هناك تاريخ شخصي وعائلي لأعراض قلق وعصاب تسميها أنت بالوسواس. يبدو أن الوالدة تعاني من قلق وعصاب مزمن وفي تفاعل مستمر معك حتى أنها استطاعت إقناعك بعدم استعمال عقار مضاد للقلق والاكتئاب.
3- أسلوب الطرح في الاستشارة غير متوازن ومرتبك ولكنه يخلو من ارتباك فكري ذهاني ويتوازى أكثر مع خبرتك المتواضعة في الحياة.
4- تشيرين في بداية الرسالة إلى حب من طرف واحد (طرفك أنت على ما أظن) ثم حدثت أزمة وبعدها توجهت إلى عالم الإنترنت وبدأ القلق من جملة تافهة استمعت إليها. هذه الأفكار المشحونة بالقلق هي أفكار حصارية (وسواسية) ولكن الرسالة خالية من أعراض الحصار المعرفي أو الوسواس القهري.
تحليل مصدر القلق:
القلق أحياناً هو عملية نفسية في أعماق الذات البشرية تنبه الإنسان من احتمال مخاطر نفسية لا يقوى عليها. هذه المخاطر متعددة وفي حالتك أنت كما يلي:
1- فقدان الأمل بالزواج والدخول في علاقة عاطفية ناضجة.
2- عدم قدرتك على فراق الأهل والأم وتحمل المسؤولية في الحياة.
3- القلق من الضمير وارتكاب المعاصي.
من جراء ظروفك الشخصية والعائلية بدأت عتبتك بالشعور بالقلق تنخفض تدريجيا يوما بعد يوم. مع دخول العقد الثالث من العمر تميل هذه العتبة بالارتفاع تدريجيا مع نضوج الإنسان فكريا وشخصياً. هذا النضوج لم يحدث معك حتى هذا اليوم.
التشخيص:
1- اضطراب القلق العام Generalized Anxiety Disorder.
2- اضطراب الشخصية.
التوصيات:
1- ذكريات الطفولة لا علاقة لها بأعراض القلق التي تعانين منها.
2- العقار لوحده لا يكفي للتخلص من القلق وما يصاحبه من أفكار. أنت بحاجة ماسة إلى مراجعة فعالياتك الاجتماعية والتعليمية والسعي بجد لتطوير شخصيتك. دون ذلك ستتحولين تدريجيا إلى امرأة ابتلاها الله بالعصاب والأفكار الحصارية والقلق طوال عمرك.
3- هل أنت طبيعية؟ الجواب نعم إلى حد ما ولكنك غير قادرة على مواجهة تحديات الحياة في المستقبل لهشاشة شخصيتك. أما ميولك فلا أظن أن لديك ميولا مثلية.
وفقك الله.
ويتبع>>>>>>: وساوس الميول الجنسية : قلق واضطراب شخصية م
تعليقات الأعضاء