|
| 
|
وسواس قهري
أنا اسمي عمرو, مشكلتي أن من حوالي خمس سنين وعمري 16 سنة, إخوتي كانوا بيتكلموا عن شبهنا لأبينا وأمنا, اللي هو أنت واخد مناخير بابا إنتِ واخدة عنين أمك وهكذا. لغاية ما وصلنا للشفايف أختي قالت لأختي الأخرى عمرو واخد شفايف أمه وضحكوا عليَّ, ردت عليها: لا شفايفه مش كبيرة يا ماما. بس بنفس وتيرة الضحك, مركزتش في الموضوع, ولكن تاني يوم كنت راكب مواصلات رايح النادي, لقيت نفسي بفكر في الموضوع, وضميت شفتي ومن يومها لحد ما كملت 20 سنة وأنا ضامم شفتي, لما بيكون حد حواليّ سواء في البيت أو في الشارع.
قعدت 4 سنين أعاني من الموضوع دا.. لدرجة إني مبقتش بنزل أروح المدرسة في 3ثانوي بسبب الإرهاق اللي كان بيحصلي بسبب ضم شفتي لمدة 8 أو 9 ساعات متواصلة. وكانت النتيجة إني انفصلت من المدرسة, فكرت في حاجات كتير، ودخلت على جوجل, عملت سيرش على عمليات التجميل, وعلى وصفات تصغير الشفاه, ولكن مكنتش بجرب أي حاجة منهم لدرجة أني فكرت أجيب سكينة من المطبخ وأقطع شفتي.
ومن كام شهر قررت أعمل عملية تجميل ولكن لما رحت للدكتور قالي إن شفايفي مش كبيرة ولا حاجة وأنتَ كدا هتبوظ شفايفك لو عملت عملية, وأنا مش هعملك عملية, ووعدني قبل ما تقوم أنك متروحش لدكتور تاني يعملك العملية.
المهم لما نزلت من عنده حسيت براحة كبيرة جداً وفعلاً لأول مرة من أربع سنين ونص أنزل في الشارع من غير ما أضم شفتي, ولكن بعد يوم بالظبط راحت الراحة ودايماً بتخيل أن شفايفي دي كبيرة جداً جداً, ولكن أخدت قرار شجاع إني مضمش شفايفي تاني ولكن دلوقتي 24 ساعة في اليوم مركز في شفايفي وطريقة تحركها, وجاذبةً انتباهي في كل حاجة بعملها وأنا بتكلم, وأنا باكل, حتى وأنا بكتب دلوقتي مركز فيها وطريقة تحركها. أنا مبركزش كدا مع عيني أو مناخيري أو أي طرف أو عضو في جسمي.
تعبت من الموضوع دا جداً وبدأت أتمنى الموت. الحياة بقت صعبة جداً ومش قادر أحكي الموضوع لأي حد لأنه أكيد هيشوفه تافه جداً لأني أنا نفسي شايفه تافه جداً, لكن مش بمزاجي بردو مركز فيه. وأيام بقعد أبص في المرآة بالساعات أيوة بالساعات مبصش غير على شفتي لحد ما قررت في يوم إني لازم أشغل بالي بأي حاجة ومفكرش فيها.
فعلاً نجحت في الموضوع دا, بس على فترات، وكمان وأنا قاعد في البيت وعلى فترات في اليوم, بمعنى إني أقعد أربع ساعات بشغل نفسي بأي حاجة, ولكن بيحصل انتكاسة في النص لمدة ساعة, أو نص ساعة وبفكر فيها تاني. الكلام دا مستمرش غير يومين بردو, ورجعت تاني الـ24 ساعة في اليوم, بفكر فيها للأسف.
عايز أروح لدكتور نفسي, ولكن للأسف معييش فلوس, والفلوس دي بردو بسبب أني مبشتغلش من ورا المرض دا. بتمنى تشوفولي حل, سواء كان دواءً أو أي وسيلة تحررني من الوسواس دا. وشكرا وآسف جداً لو طولت.
وأنا أبويا متوفي, وعندي أختين أكبر مني, وأمي فقط.
15/7/2016
رد المستشار
الابن الفاضل "عمرو" أهلاً وسهلاً بك على مجانين وشكراً على الثقة، ما تعاني منه يا ولدي هو أحد اضطرابات طيف الوسواس القهري المعروف باضطراب التشوه الجسدي Body dismorphic disorder وهذا الاضطراب لا تحتاج فيه لعلاجه إلى مجرد زيارة الطبيب النفساني, وإنما إلى الدخول في عملية علاج معرفي سلوكي وربما عقاري... وتأكد يا "عمرو" أن العلاج المعرفي السلوكي والعقاري لحالتك سيكون أقل تكلفة من أي جراحة تجميل....
الفكرة الوسواسية في حالتك هي "شفتاي كبيرتان بشكل دميم أو ملفت" والفعل القهري الاستباقي هو "ضم الشفتين لإخفاء ذلك"، وربما شتى وسائل التحاشي والهروب من المواجهات والتجمعات قدر الإمكان، ومن المعروف أن اللجوء لجراحات التجميل لحل مثل هذه المشكلات دائما ما ينتهي بالفشل بسبب إما عدم رضا المريض عن نتيجة الجراحة أو إن رضي بالنتيجة تجده يتحول بعد فترة للمعاناة من تشوه جسدي آخر....
أما حيلة صرف الانتباه التي تلجأ لها أحيانا لتتخلص من المعاناة الناتجة عن الفكرة فهي مع الأسف أحد عوامل إدامة المشكلة على المدى البعيد، وإنما التعامل الصحيح فيكون مثلا بتجريب طرق علاجية أخرى منها مثلا أن تجرب طريقة التجارب العلاجية المتناوبة Alternating Treatment Experiment وتعني في حالتك أن تمتنع يوما عن ضم شفتيك أثناء تعاملاتك الاجتماعية اليومية، وفي اليوم التالي تتصرف بالشكل المعتاد أي تضم شفتيك وتعمل على إخفاء حجمهما.... وفي نهاية كل يوم عليك أن تدون مدى إنجازك وسعادتك بما أنجزت فضلا عن تدوين أي تعليقات أو مواقف حدثت معك لمناقشة ذلك مع المعالج...
اقرأ على مجانين:
اضطراب التشوه الوسواسي: وسواس التشوه
نفي مُعْوَج: وسواس التشوه
هام التشوه الجسدي..م
وهام التشوه الجسدي مشاركة
وهام التشوه الجسدي مشاركة1
انتظر مقالاً أو أكثر قريباً على مجانين, عن اضطراب التشوه الجسدي وأبحث عن من يستطيع علاجك وتابعنا بالتطورات...
تعليقات الأعضاء