كيف تفهم نفسك؟ مبادئ

مش عارف

السلام عليكم ورحمة الله وبركاته؛
أولا أنا أشكركم جدا على الجهد الذي بذلتموه من أجلنا، نعم فهذا ليس من أجل أن تشتهروا وأن تكونوا مميزين على المستوى العالمي ولكن من أجل أن تخلقوا أجيالا تستطيع التفكير في المشاكل والصعوبات التي تواجهنا بدلا من أن تغلق حياتنا وتمثل بالكآبة التي لا يوجد لها حل من أجل العودة للفرح، أنا بجد لو فضلت أكتب مش هخلص كلامي بس أنا بختصر على قد ما أقدر..........

ثانيا بقه أنا مش عارف أنا اخترت لييه اسم الرسالة مش عارف بس علشان أنا بجد مش عارف أنا أولا خجول جدا بس برضه مش عارف دي مشكله ولا لا؟

أنا دلوقتي تجرأت شويه بس مش دي مشكلتي أنا ساعات مبعرفش أفهم نفسي ساعات كده بقعد أقول أنا صح ولا غلط أنا كده راضي عن نفسي ولا لا.
أولا أنا عندي الضمير ده حاجة كبيرة أوي علشان أنا لازم أكون راضي عن نفسي أُدام نفسي قبل أي حد مهما كان أنا ساعات بحب أقعد لوحدي مع إن أنا لي صحاب كتير أوي أوي أوي أوي وكلهم بحبهم يعني ممكن أتكلم معاهم من غير أي تفكير أو إن أنا أحس بمجهود عقلي بس معرفش بكون خايف إن اللي أدامي ده ميفهمنيش وتتغير فكرته عني، أنا صحابي بيقولو لي إن أنا عاقل أوي ودايما بيكونوا عايزين يتكلموا معايا وكتيير أوي أوي تقريبا دايما بريحهم بس مع نفسي مش عارف وحاجة بقة بضايق منها أوي ي ي ي ي ي ي إن أنا بكلم نفسي كتيير أوي هو ده مرض؟؟؟؟ ولا إيه أنا خايف أوي ساعات بتخيل حاجات وبيبقى موضوع وممكن أسرح فيه مش ممكن لا ده كل مرة وأنا بتضايق.

وبعدين أنا متكلمتش غير لما حاولت كتيير أوي أبطل حاولت بطرق كتيير أوي أنا عندي إجهاد نفس أوي يعني مش بيأس بسرعة بس برضه مش عارف لسه زي ما أنا إن أنا بكلم نفسي مع إن أنا قلت إن أنا مش عندي فراغ وإن أنا عندي صحاب ممكن أتكلم معاهم أنا مش عارف أي حاجة ساعات بحس إن أنا معقد وكمان أنا معنديش  ثقة في نفسي خالص يعني أي حاجة بعملها دايما بالنسبالي غلط مع إنها كتيير أوي ي بتبقى صح أنا خايف أو أنا مريض نفسيا، أنا معقد؟؟؟؟ ولا مريض؟؟؟؟ ولا إيه

لو سمحت يا دكتور ريحني أنا تعبان وكتيير أوي بعيط من غير سبب ليييه؟؟؟؟ ليييييييه؟؟؟؟ مش عارف والله أنا مش عارف أفهم نفسي أعمل إيه
لو سمحت ريحني أنا هستنى الرد بأسرع وقت.
8/6/2004