|
| 
|
أكره شكلي جدا م1
للأسف ماليش حل
أنا بعت قبل كده مشكلتي بس أنا وصفت شكلي أنه حلو بس ده طبعا بناء على رأي ماما وخالو وخالاتي لكن كان رأي الناس غير أن مناخيري كبيرة وشكلي مش حلو
وأنا فعلا كنت شايفة مناخيري كبيرة وشكلي وحش بس كلام ماما إدالي أمل وخلاني ممكن أصدق أني حلوة وشايفة نفسي بشكل وحش
كنت بقالي أكتر من شهر ما بصيتش في المرايا بس الفضول كان أقوى مني وبصيت لقيت فعلا مناخيري كبيرة وشكلي مش حلو وفعلا معاهم حق أنا اتصدمت مش عارفة أتكلم بجد مش قادرة أنا دلوقتي بوصف حالتي حاسة لساني ثقيل ومش عارفة أتكلم وحاسة أن درجة حرارتي بقيت عالية ودوخة
ممكن ما نسميش اللي أنا فيه تشوه طيف الوسواس لا عادي أنا واحدة وحشة وشايفة نفسها وحشة
لكن المفروض أتقبل ده
هل أنا هعرف أتقبله ولا هفضل كده
طب الدكتور هيعمل لي إيه
ليه إشمعنا إشمعنا أنا مضايقة
إشمعنا ليه أنا مضايقة كده
ليه أنا عاوزة أعيط كده
ليه إشمعنا بيقولولي أنت وحشة وإيه يعني أما بضحك إيه وأبقى مبسوطة ورايقة هو الوحشة لازم تبقى حاطة إيديها على خدها
هما كانوا أما يشوفوني مبسوطة بيفكروني ليه
ليه إشمعنا
حرااام عليهم
ربنا ينتقم منهم يا رب
أنا عملت لهم إيه
أنا زهقت إمته هرتاح بقى من كل ده
ليه إشمعنا
طب ما كان فيه أوحش مني ليه ما بيقولش ليهم أنت وحشة
طب ما صعبتش عليهم إني وحشة
ليه كانوا بيقولولي كده
ليه أوصل للحالة ديه
ليه بعيط على شكلي
ايه حل مشكلتي هتقول لي أرضى صح
يا ليت أقدر أنا ضعيفة وغبية
يا رب أموووت يا رب
يا رب خذني وريحني
يا رب مش هعرف أعيش كده
يا رب أنا تعبانة
يا رب أنت قلت لا يكلف الله نفسا إلا وسعها
طب أنا حاسة أن فوق وسعي
ومش قادرة
أنا أضعف من أن أنتحر
بس خذني أنت وأنا هرتاح
خايفة من الموت بس مش قادرة أتحمل الوجع
28/5/2017
ثم أرسلت بتاريخ 29/5/2017 تقول :
كالعادة بكره شكلي جدا جدا
نفسي أعرف حاجة أنا حلوة ولا وحشة
مخي تقريبا هينفجر من كثرة السؤال ده
أول ما بصحى من النوم لدرجة لو صحيت في نص الليل فجأة ألاقيني بسأل نفسي السؤال وألاقيني تضايقت وهعيط
هو أنا أصحابي كلهم قالوا لي أني وحشة ومناخيري كبيرة وكان بيعلقوا على مناخيري بس أنا عمري ما سألتهم دايما بيعلقوا كده
ياااه مناخيري وحشة للدرجة ههههه
وأختي كانت ساعات بتكدب علي وتقولي لا مش كبيرة هتقولوا عرفت منين هقول عارف أنت أما حد يبقى مثلا أسمر ويجي يقولك أنا أبيض ؟ فتقوله آه كده وتحاول تقنعه بس أنت أصلا يعني مش مقتنع
بس ماما قالت لي لا شكلك أمور ومناخيرك أحلى حاجة فيك
يعني رسمتها جميلة وصغيرة و تعتبر من المناخير الصغيرة
طب ماما هتكدب علي ليه
بس ماما ساعات بتقعد تقول على ناس بيبقوا عاديين إنهم حلوين
طيب خالو قال لي إن مناخيري أحلى حاجة فيّ
طب لما مناخيري حلوة الناس بتقول علي وحشة ليه
غيرانين
هو أنا ممكن أكون حلوة وشايفة نفسي وحشة
ولا أنا شكلي مش عاجبني
دماغي هتنفجر
أنا بدي لنفسي أمل على الفاضي
أنا وحشة في حاجة جوايا بتقول كده
وبردو في حاجة جوايا بتقول حلوة
طب أعمل إيه
والمرايا للصراحة شكلي بشع زي الأولاد
لا ده أنا لو ولد هبقى أوحش الأولاد
يا رب زهقت
نفسي دكتور وائل أبو هندي أو أستاذ أميرة بدران يردوا على رسالتي
أنا لو رحت عند دكتور
هيعمل لي إيه يعني؟
هو أنا ممكن أطلب طلب
عاوزة أروح عيادة الدكتور وائل أو عيادة أستاذة أميرة لو عندهم عيادة
بس مش عارفة أوصل لهم إزاي يعني
29/5/2017
رد المستشار
الابنة الفاضلة "دينا" أهلا وسهلا بك على مجانين وشكرا على الثقة، والمتابعة.
مرة أخرى يا بنيتي لا تضيفين في إفادتك إلا الفضفضة والتساؤلات ... وهذه المرة ركزت على أنفك ... ونتمنى أن تبدئي في الحركة نحو العلاج الصحيح.
هل تعتقدين أن بإمكاننا الرد على سؤالك (نفسي أعرف حاجة أنا حلوة ولا وحشة)؟ بالطريقة التي تريدين أي فيما يتعلق بالشكل الخارجي لك بحيث يكون جوابنا مقنعا لك دون رؤيتك أو رؤية صورتك ؟
الحقيقة أنه لا توجد أنثى حلوة وأخرى وحشة .. وإنما توجد أنثى واثقة بنفسها قادرة على إبراز جمالها وأخرى تحتاج التدرب لتتعلم كيف تفعل ذلك...
أنت بحاجة لا جدال فيها إلى العلاج وما سيفعله المعالج المتمكن هو تصحيح مفهوم الذات بحيث يكون واقعيا لا ظالما لك ولا خياليا ... وهناك كثير من الأساليب المعرفية والسلوكية لمساعدة الحالات المشابهة وهنا على مجانين حالات أحلناك لها من قبل، ولن أضيف هنا إلا استشارات عن المتشككات في جمالهن فاقرئ على مجانين:
الجمال أم الثقة ؟ أهم حاجة للبنت
! الجمال والقبح
أحب.. ولا أملك الجمال
الجمال.. إن أكرمكم عند الله أتقاكم مشاركة
رفضوني بسبب الجمال: أريد حلاً! مشاركة1
نقمة الجمال تجاوزها ممكن
أزمة حواء العربية ...ومقاييس الجمال
لا أملك الجمال: من الذي قال؟؟ مشاركة
ويتبع >>>>>>: أكره شكلي جدا م3
تعليقات الأعضاء