|
| 
|
الخوف من الكفر : وسواس العقيدة م1
وسواس ولا دلع
السلام عليكم..
أنا تعبانة جدا
الوساوس بتزيد وكنت بآخد دواء ووقفته لما اتحسنت شوية
أنا مش عارفة أذاكر. ومش عارفة ذا كسل ولا لاء، خصوصا أني عايزة أذاكر زي زمايلي بس مش عارفة، أنا مذاكرتش قبل كدا كنت بنجح بالغش
مفيش غير السنة دي اللي قررت أذاكر فيها بس مش قادرة أذاكر ومش عارفة أحفظ خالص
وأهلي مستنين أني أجيب مجموع كبير ولو مجبتش كدا هتبهدل في البيت، ومبيقولوش كدا عشان يخوفوني هم هيعملوا كدا فعلا. هيذلوني !
ومفيش حد مقدر أني نفسيتي تعبانة ولا حتى هيخلوني أروح للدكتور تاني عشان (أنا بدلع ومعنديش حاجة) وكمان مفيش فلوس للدكتور .. وأني بعمل كدا عشان ألاقي حاجة أتحجج بها لما أسقط أو مجبش مجموع
هم لخبطوني أصلا أنا مش عارفة أنا تعبانة ولا لاء عندي وسواس ولا بتدلع؟
أنا بفكر أموت نفسي وأخلص لأني كدا كدا مش بذاكر ولا هنجح أصلا وأنا مش ناقصة حد يضربني ولا يشتمني في البيت آخر السنة
أنا لدلوقت معرفش أي حاجة في المنهج، أنا هأجل المواد الصعبة للسنة الجاية بس مش عارفة كدا صح ولا لاء.
بغيب كثيرا جدا من الدروس لأني مبعرفش أجاوب .. يعني لا بعرف أحفظ ولا حتى فاهمة حاجة من الدروس اللي مرحتهاش
ولما بشوف زمايلي وهم كلهم بيجاوبوا ومحدش فاشل غيري بفضل أعيط وبكره الدروس أكتر، أنا مش عايزة حاجة أكتر. من أني أنجح السنة دي حتى لو هجيب 50% .... بس حتى الخمسين مش هعرف أجيبهم
أنا طول الوقت متضايقة ومش عارفة أبقى مبسوطة أبدا
حتى المرة التي أذاكر فيها بيبقي فيها وسوسة برضه
أنا فاشلة حد يساعدني أنجح بس !!
ممكن تبعثوا لي الإجابة على الإيميل
17/9/2017
رد المستشار
الابنة الفاضلة "Amal" أهلا وسهلا بك على مجانين وشكرا على ثقتك وطلبك الاستشارة من الموقع والمتابعة معنا ودعواتنا لك بالشفاء العاجل إن شاء الله.
من المؤسف جدا يا ابنتي أن يكون هذا هو أسلوب تعامل الأسرة المصرية مع الاضطراب النفسي في أحد أبنائها .... ولا يسعني هنا إلا أن أرسل لهم هذه الرسالة : رسالة لأهل مريض السواس القهري.
هل أنا مريضة أم هو دلع ؟ بل أنت مريضة كنظام التصنيف العالمي للأمراض النفسية والتصنيف الأمريكي كذلك ولو كان هناك تصنيف مصري لانطبقت معايير تشخيص الوسواس القهري عليك ... فلا مجال وإنما الدلع هو دلع الأسر المصرية التي تحاول التنصل من مسؤولياتها ما استطاعت.
لست مع تأجيل امتحانك في أي مادة من المواد إلا إذا استمرت معاناتك وعدم قدرتك على الحصول على حقك في العلاج وعجزك بالتالي عن متابعة الدروس واستذكارها أولا بأول......
النقطة الأهم يا "Amal" هي تنبيهك إلى الخطأ الجسيم الذي وقعت فيه يا ابنتي ويجب ألا يستمر هي إيقافك للعقاقير العلاجية لأن ذلك معناه أن الوسواس سيعود والاكتئاب سيزيد شدة وحدة ولو بعد حين ... فلو استطعت الوصول مع أسرتك هداهم الله إلى حل وسط هو أن تستمري على العقاير العلاجية على الأقل حتى نهاية الثانوية العامة ولو دون مراجعة للطبيب سيكون هذا أفضل ... أرجو أن تستجمعي قواك وتصري لى حقك في العلاج وتابعينا بالتطورات.
ويتبع>>>>>> : الخوف من الكفر : وسواس العقيدة م3
تعليقات الأعضاء