|
| 
|
وساوس الشرك : كفرية وكفرجنسية متى نحاسب ؟ م12
وسواس
السلام عليكم... يا دكتور أنا ما عارفة شو أعمل حاسة أنه فيني شيء ما طبيعي ممكن هذا ليس وسواس ممكن يكون شيء ثاني... أي أنا لا أشعر بقلبي لا أشعر بشيء داخلي فراغ شديد ما أقدر أعرف وسواس شرك! أم وسواس إلحاد! أم تخيلات؟؟.
وأريد أن أسأل أنا بعرف أنه الواحد إذا حلف يمين للمستقبل وما قدر ينفذه ما يكون فيه كفارة هل أنا علي كفارة ! وكمان عندي تخيلات سلبية مثلا لما أنا بعثت لكم بعد ما حلفت هيك وكأن ستقطع يدي أو مثلا سأمرض مرضا إن شاء الله ما يصير هيك شيء أبدا يا رب أتمنى الإجابة.
10/10/2017
وسواس
يا دكتور أبصر شو صاير لي والله كأني ما كنت ريم صرت مثلا أعطي دلائل من القرآن لأحس بإيماني مثلا أقول الله وأقول الله خالقي والله هو خالق السماوات والأرض وهيك والتخيلات الكفرية لا تأتيني كأني ما على طبيعتي في شيء صار لي شو أعمل خلاص رح أفتح صفحة جديدة وأظل أقرأ قرآن هيك منيح ؟؟؟.
11/10/2017
وسواس
لي بس أقرأ من القرآن أو أسبح بحس كأنه فش إيمان في والعياذ بالله.
11/10/2017
وسواس
يا دكتور أنا حاسة وكأني متأكدة أني خسرت حالي وإيماني والله عم بظل أسمع قرآن كأن غشاوة على قلبي معقولة أنا صرت .... معقول أنا أخلد في النار أكيد هاد ما وسواس أكيد ما خصو لأنه بطل في وسواس بس والله يا دكتور حاسة بشيء جواتي كثير غريب هيك فش إحساس بشيء !!!!.
11/10/2017
وسواس
إسمعني يا دكتور وافهمني منيح والله أنا ما حاسة بالإيمان ... تخيل أنني لا أريد الموت...أتمنى الخوف من الله كثيرا... ولكن؟!!...كيف صار هيك وسواس شرك وفجأة هيك ما في إحساس جواتي لا أشعر بالإيمان...لا صور كفرية إلا إذا أنا تذكرتها... شيء غريب.
12/10/2017
وسواس
يا دكتور بلكي أنت غلطان تعال للشرع بلكي أنا صار معي هيك أنه صرت حاسة حالي بلا إحساس وكمان مضايقة بلكي أنا خلاص الله غضبان عليّ طب إذا أنا تحممت وتشهدت وصليت بس كيف بدي أرجع الإيمان الجميل ... وكمان يا دكتور هلاء وأنا عم بكتبلك أني ما حاسة بإيماني هاد ما بوقع بالكفر؟؟؟ بتمنى تجاوبني بسرعة لو هلاء جاوبني وشكرا.
12/10/2017
ريم ماتت
السلام عليكم...في شيء محيرني كثيرا إذا اللي عم بصير معي وسواس قهري! ومرة أنا قرأت في استشارة أنه دليل أنه الوسواس الكفري ما سكن فيك أنه أنت ما مرتاح وقلبك ما مشروح بهذا الوسواس أنه مش بالضبط بس بهذا المعنى...بس حاسة أبصر كيف يعني في جواتي كلمات استخفاف ولا مبالاة ما عارفة كيف أوضح مثلا بسبح بتيجي أفكار أنه أنا ما مؤمنة والعياذ بالله وأبصر شو وأنا كمان صراحة كتير سافلة لأنه صرت لو أجتني الوساوس الكفرية لا أحس بشيء وأنا هلاء يمكن هاد وسواس أنه ما مؤمنة فيني أسميها وسواس في وجود الله شيء كثير غريب حاسة يا دكتور ما تكذب علي عشان ترضيني أنا وقعت بالكفر؟ وأحكي ما عم أحكي فيه كفر؟؟؟.
13/10/2017
ريم ماتت
ما كان لازم أحكي هيك صح أنه أكيد مؤمنة بالله ولازم أظل هيك بلكي الحكي فيه غلط وشيء من الكفر؟.
13/10/2017
وسواس
ساعدوني إمتى الإجابة صرت أتخيل رأسي سيتحول إلى رأس حمار أو أن الله سيحولني إلى قرد وتأتيني أفكار عن شكل اسم الله فظيعة وأفكار كفرية.
14/10/2017
وسواس
هل يحق لي أن أعيش مثل باقي الناس ؟ أي مع الوسواس هل أدخل الجنة ؟ إن بقيت طول العمر!.
14/10/2017
وسواس
يا دكتور بترجاك جاوبني بأسرع وقت شو أعمل اللي عم بصير كتير غريب مش أنا قلت لك أنه بيجيني وسواس في اسم الله الوسواس هو كيف بدي أقول يشبه بشيء ولكن كفري لا يجوز في حق الله وكمان بس الفكرة تيجيني بحس وجهي بدو يضحك وبمنع حالي، أنا كتير بكره حالي مش بس عشان الوسواس وعشان بخجل كتير وما بعرف أحكي مثل الناس وكمان بحس حالي بغار من البنات الحلوين لأني بحس حالي أوقات بشعة بس الناس بقولولي أني حلوة بس أنا عادية يعني الحمدلله على كل شيء ويمكن حلوة ما بدي ما أحكي عن فضل الله علي الحمدلله على كل شيء بس ليه أنا بخجل وأظل لحالي كثيرا أوقات وشخصيتي ضعيفي!!.
15/10/2017
وسواس
ساعدني يا دكتور والله بعرف أني تعبتك أنا هلاء أشعر أني مسلمة منافقة لو بتفوت على عقلي رح تقتلني أنا كثير مش محترمة حتى هلاء عم بكتب هيك وحاسة بدي أضحك! بلا إحساس! بلا احترام! كيف أخاف الله عز وجل والله الفكرة في اسم الله لا تتركني وغير هاي الوسواس كيف أقوي إيماني لي ما فيني أعتبره سخيف وأتركه وخلص.
16/10/2017
وسواس
هل يحق لي أن أعيش مثل أي إنسان مسلم مثلا أنا الآن مرتاحة والحمد لله والوسواس ما عم بفكر بس لما هيك بدي أعمل شيء منيح بيجيني حكي أنه بلكي عم تعملي هباء بلكي في النار طبعا أنا بضل أعمل الخير قدر المستطاع...كمان بدي أسأل شيء إذا أنا حلفت لصديقتي على شيء أنه كتبت لها على الواتساب إذا بعيد بتقولي ها الكلمة معش أحكيكي وحلفت بس حلفت بلغة النت.. وهي قالت هاي الكلمة وأنا ما قدرت أبطل أحكيها علي كفارة ؟؟.
17/10/2017
رد المستشار
الابنة المعذبة العزيزة "ريم أحمد" أهلا وسهلا بك على مجانين وشكرا على ثقتك ومتابعتك، ولا أستطيع شكرك على عدم سماعك الكلام وإصرارك على البقاء في الآلام ! تاركة نفسك نهبا للوساوس رغم علمك بحاجتك للعلاج كما كررنا أكثر من مرة!.
أول أسئلتك هذه المرة هو سؤال غريب عن الوسواس الذي تعانين منه قائلة هو وسواس شرك!؟ أم وسواس إلحاد!؟ أم تخيلات؟؟ يا سلام! وكأن هناك فرقا لا بل ويبدو أنك تتوقعين فرقا كبيرا واختلافا في كيفية التعامل معها... هداك الله يا "ريم" لا فرق أصلا كلها خبرات عقلية تؤلم النفس المؤمنة وتعكر صفائها وتعالج عند الطبيب النفساني.
تواصلين بعد ذلك نفس تساؤلاتك السابقة وكأن لم نجب عليها من قبل تفصيلا وتقرين بفعل ما نهيناك عنه من أفعال قهرية مثل (أعطي دلائل من القرآن لأحس بإيماني مثلا أقول الله وأقول الله خالقي والله هو خالق السماوات والأرض وهيك ما تجيء التخيلات الكفرية) أو أن تغتسلي بنية الدخول في الإيمان وفتح صفحة جديدة كل هذا كلام جدواه الحقيقية الوحيدة التي تبقى على المدى البعيد هي إطالة عمر الوسواس وهو ثمن باهظ مقابل راحة لحظية تعيشينها يا ابنتي.
رغم أننا نهيناك عن التفتيش عن أحاسيسك الجوانية محاولة التيقن من وجودها أو قياسها إلا أنك لا تنتهين والنتيجة ليست إلا الخسران كما تعلمين! الموسوس معرض دائما للشك في معلوماته الجوانية أو الداخلية (ومنها الإيمان والإحساس تجاه شيء معين أو شخص...إلخ) وأنت موسوسة يا "ريم" فمتى تفهمين الكلام وتسمعين؟.
ورغم صحة ما قرأت من (أنه دليل أنه الوسواس الكفري ما سكن فيك أنه أنت ما مرتاح وقلبك ما مشروح بهذا الوسواس) هذا كلام جميل لكنه مفيد في أغلب الموسوسين فقط للوهلة الأولى أو لمن يكتفي بالسؤال مرة فإذا ما اطمئن قلبه تجاوز الأمر أما الموسوس العنيد (مثل ابنتنا "ريم") فإنه بعدما يشعر بالراحة أول مرة يعود يتساءل هل أنا ما زلت أجزع وأتألم كما كنت؟ هل ما زال قلبي يجزع؟ ويبدأ باستشعار دواخله فيقع في الفخ الذي نصبه له الوسواس فإذا وجد أنه لا يستطيع استشعار الألم والجزع أو لم يجد أي مشاعر كما أشرت أو وجد سرورا (وجهي بدو يضحك)... إلخ فإنه يصل إلى استنتاج واحد هو أن الوساوس الكفرية قد استقرت في قلبه! وانتهى الأمر.
وأما خوفك من أن يسخطك الله أو يعاقبك بشكل أو بآخر (صرت أتخيل رأسي سيتحول إلى رأس حمار أو أن الله سيحولني إلى قرد) تعالى الله عز وجل عن ذلك علوا كبيرا! إنما أيمانك أغلبها من لغو الأيمان والله عز وجل يقول (لا يؤاخذكم الله باللغو في أيمانكم) فلا داعي لمثل هذا التخوف.
لا أدري إن كان انطواؤك وخجلك الذين أشرت لهما (أنا بخجل وأظل لحالي كثيرا أوقات وشخصيتي ضعيفي.!!) واصلان إلى درجة تعيق أدائك الاجتماعي بشكل كبير أم لا لكن وجود اضطرالب القلق الاجتماعي مواكبا لاضطراب الوسواس القهري يستدعي تدخلا علاجيا بأسرع ما يمكن لأنه يعني أنك عرضة لكثير من المضاعفات النفسية مثلما يكون الأمر في حالة مرضى الوسواس ذوي المهارات الاجتماعية المنخفضة.
نتمنى أن تعالجي نفسك عند الطبيب النفساني قبل أن تصبح الكتابة لمجانين مجرد واحد من أفعالك القهرية يا ابنتي وتابعينا بالتطورات.
ويتبع >>>>>: وساوس الشرك : كفرية وكفرجنسية متى نحاسب ؟ م14
تعليقات الأعضاء