|
| 
|
من وسواس لاكتئاب لقلق متعمم م2
السلام عليكم ورحمة الله وبركاته
استفسار
أعاني من هبوط دائم وأحيانا تعرق غزير وزهق وضعف عام
أنا مغترب الآن ولكن عندما أذهب إلى مصر نفس الأعراض موجودة
الأكل تمام وكل الأمور تمام،،، طبعا الهبوط ده بيحصل معه قلة تركيز شديدة
نفسي الحالة ذي تروح بقى عارف أنها أعراض قلق بس نفسي بجد أعيش حياة طبيعية لأن العملية مطولة معي مش عارف ليه كانت الأعراض تأتي شهر وتروح لكن ماسكة فيَّ مش عارف ليه!!!!
أستغفر الله العظيم يا رب.... قدر الله وما شاء فعل
أتناول إستيكان 20 وبروثيادين 75
7/4/2018
وأرسل بعد 3 أيام يقول:
استفسار
الزيك يا دكتور وائل والأساتذة الكبار الأفاضل حفظكم الله ورعاكم
وربي اللي خلقني أنا زهقت من المرض بتاعي ده مرض مقرف لأبعد الحدود كأنه عايز يعكنن عليّ الواحد أنا بقالي 5 أيام الأعراض زفت هفتان وقله تركيز وزهق ليه وإيه السبب الله أعلم ومراتي وابني كمان معي في الغربة وكمان لو نزلت مصر إجازة نفس القصة أنا عايز أعرف إيه الحل الواحد لو عنده إيه بياخد علاج ويرتاح وأنا المرض كابس عليّ ماسك فيّ الله يخرب بيته.
كمان أحاول أتناسى وضاغط عليّ من قلة تركيز وهفتان وهبوط وقلة نشاط وزهق وقلة رغبة جنسية وضعف جنسي وبتكلم مع العملاء وأنا مش مركز خالص وبنام وأتثاءب كتير
نفسي أكون مرتاح البال
أتناول إستيكان 20 بروثيادين 75
نفسي أعيش زي الناس حياة طبيعية الله يخرب بيت ده مرض أقسم بالله
حبيت أشير أنكم قلتم لي لو نزلت مصر أجازة هترتاح وبردو لا لو أخذت مراتك معاك هترتاح وبردو لا يعني نفس الأعراض في وجودهم في عدمهم في إجازتي في عملي في وطني في غربتي
أنا بجد احترت مع المرض اللعين ده
كامل تقديري واحترمي، وآسف على الإطالة
10/4/2018
رد المستشار
الأخ الفاضل "أحمد سليمان" أهلا وسهلا بك على مجانين وشكرا على ثقتك ومتابعتك، واختيارك خدمة استشارات مجانين بالموقع.
الأعراض الحالية هي أعراض القلق المتعمم والعقاقير التي تستخدمها إنما هي عقاقير وقائية في الأساس لتمنع أعراض اضطرابات القلق الأخرى وأعراض الاكتئاب من الحدوث، وكثيرا ما تفيد نفس العقاقير في علاج أعراض القلق المتعمم أو تلطيفها لكن هذا الأثر عند البعض لا يدوم طويلا غالبا بسبب طريقة التفكير، ونظرا لاعتياد الشخص مراقبة حالته النفسية بين الحين الآخر فغالبا ما يستعيد أعراض القلق المتعمم دون قصد منه..... المهم أنه لا يوجد أي داعٍ لتغيير العقاقير.
نصيحة الموقع التي ذكرناها لك سابقا ويبدو أنك لم تثابر عليها هي النشاط العضلي لمدة لا تقل عن نصف ساعة يوميا إضافة إلى محاولة التدرب على الاسترخاء وهناك مراكز للتدريب متاحة في أغلب المدن العربية الكبيرة فاشترك في أحدها وكف تماما عن المراقبة اليومية والمتكررة لكيف أشعر الآن؟ وإن شاء الله يأتي التحسن.
وأهلا وسهلا بك دائما على موقع مجانين فتابعنا بالتطورات.
ويتبع >>>>>: من وسواس لاكتئاب لقلق متعمم م4
تعليقات الأعضاء