|
| 
|
أفكار تطاردني ورعشة ونفضة لا أعرف سببها
الأول أشكر الموقع الجميل ده والناس والدكاترة اللي شغالين عليه وأتمنى تساعدوني
دائما في أفكار عنيفة وسيئة زي مثلا لو أخويا الصغير تأخر شوية بيجيلي مشهد وحش أوي ودموي وعنيف مشهد بشوفه مش بس فكرة أو مثلا وأنا في الطريق بشوف مثلا العربية اللي جنبي دي هيحصلي حاجة منها مشهد بشوفه بتفاصيله وغيره حاجات كتير أوي أوي وبتحصل كتير
تقريبا ده العادي في حياتي وأنا بعمل أي حاجة بشوف مشاهد صعبة بتسببها الحاجة اللي بعملها مش بس كده وأنا بصلي دايما حاسة إني بصلي غلط أو نسيت ركعة أو زودت ركعة أو وضوئي غلط أو لازم أقوم أتوضأ تاني فبالتالي الصلاة مش صح التشهد الجزء التاني منه أوقات كتير ببقى مش عارفة قلته إزاي حاسة إني في لخبطة فأعيده ثاني وهكذا
الأسوأ من وجهة نظري وده اللي صعب علي أوي هو أن بقالي يمكن أربع سنين بتجيلي أفكار فترة من كل سنة أفكار وحشة عن ربنا أستغفر الله العظيم حاجات وحشة أوي وبحاول أبعدها ومش بعرف بس الأفكار الخاصة بربنا بتيجي شهرين مثلا بتبقى عنيفة أوي وقوية بس بعد كده بتيجي أوقات وأوقات مش دائما.
في شيء تاني وهو إن بيجيلي نفضة غريبة ومفاجئة مش رعشة أكتر ماهي نفضة جسمي بيتنفض فجأة أو رعشة قوية وبتحصلي كتير ومش عارفة إيه معناها أو إيه سببها بس في العادي أنا بعاني من إيدي بتترعش دايما بس النفضة غريبة
خايفة ومعنديش جرأة أحكي لحد الآن إزاي هقولهم بفكر في ربنا وحش أوي مع أنه غصب عني والله أنا بحب ربنا جدا خايفة أواجه حد باللي بيحصلي أكيد محدش هيفهمني وبالتالي خايفة أروح لدكتور لأني مش عارفة ده إيه آسفة للإطالة وأتمنى أكون قدرت أعبر وأوصل المطلوب
وأتمنى الإفادة
وشكرا مقدما
18/5/2019
رد المستشار
الابنة الفاضلة "هدير" أهلا وسهلا بك على مجانين وشكرا على ثقتك، واختيارك خدمة استشارات مجانين بالموقع.
ما تعانين منه اسمه اضطراب وسواس قهري بدأ معك بتخيل سيناريوهات مزعجة لأحداث مؤسفة تحدث لك أو لمن يهمك من الناس أو تنتج عن أعمالك ثم أصبح يربكك في صلاتك وعباداتك، ثم ظهرت الأفكار التجديفية (التفكير السيء في المقدسات) وربما الدينية التشكيكية.... إلخ. وأما النفضة التي تحدث لك من حين لآخر فهي من أعراض وعلامات التوتر المستمر الذي تعيشينه بسبب الوسواس.
هذه هي الصورة المرضية المعتادة لاضطراب الوسواس القهري في مجتمعاتنا وعلاجه يكون لدى طبيب نفساني يفضل أن يكون من يحسنون العلاج السلوكي المعرفي (ع.س.م) .
اقرئي على مجانين:
الوساوس الكفرية والكفرجنسية
ومرة أخرى أهلا وسهلا بك دائما على موقع مجانين فتابعينا بالتطورات .
تعليقات الأعضاء