وسواس أم نجاسة : وسواس قهري النجاسة !

وسواس أم نجاسة؟

السلام عليكم أساتذتي الكرام.. أعاني بالفعل من اضطراب الوسواس القهري منذ بضعة أشهر وآخذ علاجا نفسيا لكني ما زلت غير قادرة على الانتصار على أفكاري تماما..

استشارتي بخصوص.. من حوالي خمس شهور كده كان في حد مريض قعد على كرسي بلاستيك وبعدين لاحظت أنه لما قام كانت هدومه مسربة بول انشغلت به هو وبنظافته ونسيت أمر البول الذي على الكرسي دا نهائي

لما افتكرت بعد ذا بشهرين ثلاثة كده مسحت الكراسي كلها بقماش مبلول لأني مش فاكرة هو كان أنهي كرسي لكن دلوقت الكراسي دي إحنا كنا بنحط عليها الفوط بتاعتنا فهل كده تنجست وجسمنا بقى متنجس وكل مكان تاني حطينا عليه الفوطة اتنجس؟ زي الكنبة وكده؟

أنا مسحت على قد ما أقدر منهم لكن أتذكر موقف قبل ما أمسح الكراسي دي إنه كان وقع علي واحد منهم مياه وبنت أختي قعدت عليها وقامت قعدت على السرير وغالب ظني أنها مسكت المخدة أنا مش فاكرة بالضبط بس فكرة أن المخدة والمرتبة متنجسين مش مفرقاني مع أني غيرت الفرش بتاعهم وبقول لو قعدت عليهم وأنا مبلولة أو نمت على المخدة وشعري مبلول شعري هيتنجس وكده؟

وللأسف مش عارفة أغسلهم لأنهم قطن وهيبوظوا : أنا للأسف نسيت وقتها برضه ومش فاكرة الحدث بالتفصيل لكن فاكرة أنها قعدت على المياه (مكنتش كثير حوالي ملو حقنة مثلا بالكثير ومكانتش على الكرسي كله كانت في النصف الأمامى مثلا)

وفاكرة أني اشمئزيت من المخدة يومها (كانت لابسة كيسها) بس مش فاكرة التفاصيل بس في دماغي بيقول لي أنها وصلت لها المياه دي وأنها قعدت على السرير بعدها؟
4/6/2019