وساوس كفرجنسية تشكيكية كالمعتاد ! م11

وساوس كفرجنسية تشكيكية كالمعتاد ! م10
وساوس أم ادعاءات

مش عارفة بس لازم أقول أنا قلت لكم عن الشعور الذي أحسه في جسمي بس لما قرأت الاستشارة بتاعة بروزاك عرفت أن هو السبب مش عارفة أبطله ولا لا

المشكلة أني حاسة أني كنت مصدقة الشعور ده قبل كده قبل ما أفهم أنه من بروزاك كده أنا خرجت من الملة أتشاهد ثاني ولا إيه مع اليقين أني حاسة أني كنت مصدقة ومتجاهلة بجد شعور أني مصدقة وأن ده حقيقة مميت أكثر من الوساوس نفسها أنا كده هتحاسب صح؟

بجد أنا مصدقة وحاسة أنه حقيقة حتى لما بدعي وبيجي في بالي التخيلات دي بحس أني مصدقة مش عارفة كله يقول تجاهلي أتجاهل إزاي وأنا حاسة أنه حقيقة ومصدقة هو أنا لو أتشاهد وأقيم عليّ الحد مش حرام صح والله أنا تبت والله بطلت أعمل كل حاجة غلط وبقيت بصلي النوافل كلها وبصوم ومش بوقف ذكر يعني أكيد دا مش عقاب

الشك هيموتني ناس تقول عقاب وناس تقول ابتلاء إحنا مش زي الصحابة رضوان الله عليهم هم كانوا مؤمنين والرسول أكد لهم ده إحنا على طول في شك وسمعت شبه بيقول أن الذي نعمله معصية لأن الدين يسر مش عسر أنا عارفة بس إحساس أن ذا حقيقة مش قادرة أخلص منه وحاسة أني عايزاه والعياذ بالله

مش عارفة أبطل بروزاك أتشاهد ولا أعمل إيه عايزة إجابة لما ربنا يحاسبني أقول له أنه مرض وأنا واثقة مش إحساس الشك والاقتناع الذي أنا فيه بجد أنا حاسة أنه مش بيروح مني وساعات بشكك برحمة ربنا والعياذ بالله أنا ببعت كتير بس مفيش رد أرجوكم أنتم مش عارفين أنا عايشة إزاي أنا مابنمش من إحساس جسمي أنا بقوم كل عشر دقايق أستغفر وأنام مش عارفة أعمل إيه؟؟

ومش عارفة ربنا سيتقبلني ولا لا؟؟ حتى وأنا بقول كده تجيء لي تخيلات وحشة
يا رب رحمتك
27/6/2019
وأرسلت في اليوم التالي تقول :
وساوس أم ادعاءات
سألتزم بما قلته لي يا دكتور وائل ولن أبعث شيئا إلى أن يمر أسبوعان وإن كانت هناك تخيلات جديدة أو قديمة سأنتظر لكن أنا بعثت لكم آخر استشارة كانت بها أعراض جسدية

هل هذا فعلا من الدواء أم أني أتخيل
وبالنسبة للوعد قلت يا رب لن أخبر أحدا بهذا إلى يوم الدين.
28/6/2019