من وسواس لاكتئاب لقلق متعمم م20

من وسواس لاكتئاب لقلق متعمم م19
استفسار من دكتوري الدكتور وائل

أرجوك والنبي يا دكتور أنا عايز أستوعب مش أكثر المعلومة وأقتنع
(وسواس قهري ثم قلق عام ثم رهاب اجتماعي + أحيانا زي ما بتقول بيحصل لي اكتئاب على فترات ومرة قلت لي الصبح حصل لي اكتئاب عضوي أو صباحي ومرة قلت لي اختلال إنية) ده كله مرض واحد زي ما بتقول إزاي ؟؟ سألت دكاتره في السعودية بيقولوا عدة أمراض ؟؟
س1 أنت تقول وكثيرا ما يكون اضطراب واحد مكتمل المعايير أفضل بكثير من عدة اضطرابات متفرقة ؟؟ وضحها لي وللمرضى الذين يشاهدون السؤال والنبي

س2 أنا كنت بعاني من وسواس قهري قبل ما أجيء لك لما حصل لي أعراض جسدية وشخصتها قلق عام (حضرتك قلت لي في رسالة صوتية أن الوسواس القهري والاكتئاب كانا مكتملا المعايير) وفي رسائل أخرى بتقول لي الاضطرابات عندي مش مكتملة المعايير ! ؟

حضرتك أيضا لما قلت لك فيه ناس عندها وسواس قهري وجاء لهم رهاب اجتماعي أو كان عندهم وهما مش واخدين بالهم الرهاب الاجتماعي بعثت لي لينك (الوسواس القهري والرهاب الاجتماعي هل مجرد تواكب؟) واللينك قريته وأنت بنفسك كاتب إن ده ممكن يزيد من خطورة الانتحار ! ؟؟ سألتك قلت لي لا يا ابني الكلام ده لا ينطبق عليك !!! هتجنن يا ناس والله !! أنت بنفسك من بعثت لي اللينك وفي نفس الوقت بتقول لا ينطبق عليك ؟؟؟

قلت لي أيضا عمري ما حصل لي اكتئاب جسيم وفي ردود أخرى قلت لي مريت بنوبة اكتئاب جسيم !
س3 يعني إيه اكتئاب عضوي أو صباحي ده كمان هل ده مرض ولا إيه بالضبط وأعرف إزاي أنه عندي ولا لا ؟؟ رحمتك يا رب علينا رحمتك يا رب
س4 يحصل لي في الصباح زي ما أكون مدروخ ومش مضبوط خالص الدروخة ذي من إيه وتوهان وتركيز منتهي تماما ؟؟ فيه جرعات مش مضبوطة في الدواء مثلا
س5 آخذ البروثيادين 75 بيعمل لي خمول رهيب حله إيه ده ؟؟ ولو أخذت الأدوية بالنهار بتثاوب كثير جدا !! أعمل إيه بس يا ربي ؟؟؟ آخذه قبل ما أنام ممكن يكون سبب في الدروخة التي تحصل لي ومبكونشي على بعضي وتوهان وتركيز صفر
س6 أنت تقول لي في حالات (أسوأ مني!!!) ومبتاخدش علاج !! رحمتك يا رب إزاي نفسي أفهمها بيعملوا إيه وأسوأ مني إزاي وماشيين من غير علاج !!! ده أنا بالعلاج وساعات بكون منيل بستين نيلة على دماغي وربنا يأخذني وأرتاح نفسي أكون زي بقية خلق ربنا @ ده أنا ساعات أقول هنزل الجرعة بيحصل لي أعراض غريبة بحس بزهق شديد ومبكونش طايق حد لمجرد بقلل الجرعة أقول استحمل وحاول يكون عندك إرادة وأنزل الجرعة بالتدريج حالتي بتسوء 180 درجة !!!!!!!!!!!! غيري أسوأ ومن غير دواء إزاي فهمونا يا ناس يا عالم والله العظيم هتجنن ؟
س 7 بتقول لأهلي أحمد ده حالته ثانوية وسنة أولى مرض ومعندوش حاجة (فهمها لي برضه إزاي ده كله ومعنديش حاجة) والله بالنص أنت بلغتهم أحمد حالته صفر % من الحالات البشوفها
س8 هل القولون العصبي له علاقة بمرضي ولا ده كمان مرض جديد لوحده ؟؟؟ أمال إيه السليم في زي بقيه خلق ربنا !!!!!
طمني يا دكتور حتى لا أصل لمرحلة التوهان بل أكاد أكون وصلت لها نفسي أمشي صح وعلاجي يكون صح بالشكل ده مفيش أي تقدم يذكر #
**** لفت انتباهي لما سألتك إيه الفرق بين مريض مرض واحد ومريض عدة اضطرابات قلت لي محدش يعرف إلى الآن !!! أمال بنتعالج على أساس إيه
**************** مين الحالات اللي عاملة زي حالاتي وخف طيب وانتهى من عنده الأمراض ذي ؟؟؟ علشان يكون في بريق أمل
*************** طالما فيه حالات أسوأ مني ومبتاخدش علاج ليه الدكتور الذي قبلك أعطاني علاج وأنت منصحتنيش أبطل ليه !! أنا داخل على 10 سنين بروثيادين بشكل متواصل وبقالي 4 سنين سيروكسات لما حصل لي الرهاب الاجتماعي !!!!!!!!!!!!!!!!!!!!!! دنيا غريبة وربنا يتولانا وساعات بقول ما في ناس سليمة معندهاش حاجة ليه احنا كمان منكونش زيهم أو على الأقل الأمراض تتوزع بين البشر بدل ما في مرضى بتحمل عدة أمراض في شخص واحد !!!!!!!!!!!!!!!!!!!!!! حكمتك يارب
----------- يعني لو هتقيم حالتي تكون كام من عشرة ؟؟؟
تحياتي لك لكني والله هتجنن فهمونا يا دكتور يعني إيه مكتمل المعايير وغير مكتمل المعايير أفهمها والنبي يا ناس نفسي أفهمها
1-2-3 علشان أعرف أستوعب المعلومة صح وأقتنع زي بقية خلق الله

تحياتي ليك يا دكتور وأشهد لك والله بدون مجاملة اهتمامك بمريضك وحرصك عليه دائما وأنك من أفضل الدكاترة في الطب النفسي والله بدون نفاق أو مجاملة
17/10/2019