|
| 
|
فقد الاهتمام Lack of interest
أنا طبيبة متفوقة من صغري أحب العلم ومركزة فيه جدا ..أحب تخصصي ..لكن المشكله مؤخرا مبقتش أركز زي زمان ولا أذاكر ولا عندي interest زي زمان في الشغل والعلم ..طول الوقت سرحانة ..مبقتش مهتمة أعرف وأتعلم مش مهتمه أمتحن وآخذ الدكتوراه مش مهتمة أعرف ولا أقرأ ..مستواي العلمي تراجع كثيرا عن زمان ...
غالبا السبب هو أن فكرة الجواز بقت مسيطرة علي ليل ونهار طول الوقت مركزة فيها وسرحانة فيها ..سني قرب على الثلاثين وحاسة أن خلاص دي للنهاية مش قادرة أتخيل حياتي من غير جواز ..مرعوبة إني متحوزش أو اتجوز زوج وحش ..بفكر ليل ونهار مع قلق وتوتر وخوف وبقيت حاسة أني لازم الحق أتصرف وأتجوز حااالا قبل الثلاثين (مش عارفة أتصرف إزاي)..
وقتي بقى كله ضايع في التفكير ده وأنا صاحية وفي الأحلام وأنا نائمة ......نفسي أرجع أحب الشغل والمذاكرة من ثاني وأشغل نفسي بهم ..نفسي يرجع لي الـ interest ....لأن محدش عارف ربنا كاتب إيه ..ممكن يكون قدري متجوزش خالص وممكن أتجوز جواز فاشل أو زوج مش كويس ..ساعتها هتفضل نفس المشكلة ....
هل فيه حل ؟ نفسي يكون فيه حاجة أقدر أعملها عشان أرجع ثاني أحب الشغل والمذاكرة ويبقي عندي طموح أني أكمل دكتوراه وأبقي متميزة في شغلي ..
بدل ما يبقى الفشل في جميع النواحي
ولكم كل الشكر
3/3/2020
رد المستشار
شكراً على استعمالك الموقع.
هناك جانب إنساني لاستشارتك يتعلق بسعي الإنسان لسد احتياجاته العاطفية والحميمية وتتحدثين بصدق عن هذا القلق وأنت على مشارف العقد الرابع من العمر تنتظرين من يتقدم إليك. كذلك أنت على علم بأن المجتمع الشرقي لا ينصف المرأة وفرص الزواج تتضاءل في هذه المرحلة من العمر.
هناك أيضاً جانب طبنفسي لاستشارتك. لا شك بأن هناك شعور اليأس والإحباط. تدهور أدائك المعرفي وفكرة الزواج أصبحت فكرة تصاحبك طوال الوقت وإطارها القلق والاكتئاب.
الجانب الطبنفسي يحتاج إلى مراجعة طبيب نفساني والحديث معه.
الجانب الإنساني يتطلب جهود شخصية للبحث عن علاقة عاطفية تنتهي بالزواج، ولا حرج في ذلك.
وفقك الله.
واقرئي أيضًا:
نفس اجتماعي: انتظار شريك الحياة
ويتبع>>>: فقدان الاهتمام : انتظار × انتظار م
تعليقات الأعضاء