|
| 
|
كيف أعرف أنه يحبني؟؟
مشاكل كتير وملهاش ولا أي حل
سلام يا دكتور علاء بابا وماما اتطلقوا من بعض، الحوار ده حصل من فترة كبيرة وأنا ولا أعرف. من سنة نقلت ورقي للكويت عند خالي عشان الدراسة هناك أحسن، وعشان أكون مع بنات خالي عشان بحبهم، وهما وحدة بنفس سني والتانيين أكبر مننا (في تانية جامعة) بس إحنا إخوات وأصحاب. أنا عندي حالياً مليون مشكلة وملهمش حل، أنا مش قادرة أصدق إن كده خلاص اتطلقوا، مش قادرة أقتنع. أنا حاولت أنزل وكلمنا ناس (خالي كلمهم) لكن المطار مقفول ومفيش أي رحلات تنزل مصر حالياً. أنا لو رجعت هقدر أرجعهم، أنا هحاول أرجعهم، طبعاً أنا منهارة، أنا هكون تعيسة لو فضلوا كده، بس فكرت إني هرجعهم، وفكرت يمكن مقدرش أرجّعهم، أنا مش مستوعبة طلاقهم وخصوصاً إن مفيش طيران، ومليون فكرة بتيجي وبتروح وأنا هنا. أنا مش عاوزة أفكر بالحوار ده بس غصب عني بفكر ومفيش في إيدي أي حل ولا حتى في جوابك، هم اتطلقوا خلاص، وهو حل واحد إنهم يرجعوا لبعض وغير كده لا، ولو مرجعوش مش هرجع مصر. أنا مش عاوزة أتناقش بموضوع طلاق بابا وماما يا دكتور علاء لأن ممكن تناقشني في إن أنا الخسرانة الوحيدة بينهم. أنا بحبهم، أنا مش عاوزاهم يتطلقوا، أنا مش مستوعبة ليه اتطلقوا! في إيه حصل؟! أنا بحاول أكون عملية وأفكر بشكل عملي عشان أنا قرأت إجاباتك على البنات التانيين وشفت جوابك كله بشكل عملي، بحاول أعمل شبه تفكيرك بس فكرت وأخدت قراراتي، بس أنا محتاجة تساعدني في اللي أقوله ده، هو أنا تناقشت مع نانا بس أنا عاوزة أعرف منك يا دكتور علاء، أنا بحب حبيبي بس هي مش مشكلة هي عادية لكن اللي وصفته ليّا عن الحبيب في جوابك هو بيعمله نفسه ويمكن أكتر، وهو متدين جداً وعشان كده هو عاوز يرتبط رسمي وأي طلب أطلبه وبأي دولة أعوز، بس هو متجوز وأنا الزوجة التانية بس بالسر عن مراته، هو مش مصري بس هو غني جداً، يعني هو مش محتاج يسافر للسعودية زي بابا، أنا بحبه أوي أوي وهو حنين ورقيق وشجاع جداً لأن حصل أكتر من موقف وهو ساعدني. مش مهم أكتبلك لأني أخذت قراري، ممكن بابا وماما يفضلوا منفصلين وفي الظرف دي مش هرجع لمصر وأتجوز. ليه أذاكر؟ وليه أنجح؟ وليه؟ وليه؟ أنا مقلتش له بابا وماما اتطلقوا لأني خفت، أنا بفكر أطلب إيه لأني سألته إزاي أعرف إنك هتفضل تحبني ومتسبنيش، وهو قالي اطلبي أي طلب، بس مش قادرة أفكر أطلب إيه! ممكن تساعدني، أنا مش قادرة أفكر بحاجة، حاسة إني في كابوس، أنا عاوزة أطلب منك يا دكتور علاء مساعدتك ليا بس بحوار الضمان.
عندي مشكلة تانية أرجوك يا دكتور علاء ساعدني فيها برضو. أنا مارست العادة السرية بالماء بالشطّاف، بس أنا قريت هنا عن كتير مشكلات وبنات بيعملوا العادة السرية بالماء، أنا مدمنة ده، أنا عارفة إن ده غلط بس أنا بحبه، وأنا ونانا كمان وأوعدك بس ساعدني، أوعدك مش همارسها تاني، المشكلة البول (أنا آسفة) مبقاش يخرج مني، بقيت أحس بيه بس مفيش حاجة تخرج أو قليل جداً، وبعدين أرجع أحس به ويخرج شوية، وبعدين يرجع يختفي، أنا خايفة أنا عملت بنفسي إيه، أنا كل مرة أعمله معنديش مشكلة، أنا والله مش بقرب جنب البكارة، بعمل كده من فوق بس وبالماء، بس هو حلو، أنا عارفة إنه غلط وحرام، وأنا صليت ودعيت من ربنا يرجّع كل حاجة بس لسه. أرجوك ساعدني، أنا عارفة غلطتي ومش همارسها تاني، بس مش عارفة يمكن لأني عملت كتير في وقت واحد (مش واحد يعني وحدة بعد وحدة، بس بنفس الوقت بس هم كتيرررر وأنا مش فاكرة عملت كم مرة) وطلبت من الصيدلية دواء عبارة عن بودرة مع شوية ماء وبشربها بس هي من غير طعم خالص ومش حاسة إني خفيت، دورتي كمان اتأخرت عليّا، أنا خايفة أكون أذيت نفسي، أنا بحس بوجع في بطني بس مش وجع الدورة ومش عارفة إيه هو، أنا هتجنن،
أنا وقفت الدواء لأني خفت يكون البودرة مع الماء هي سبب تأخير دورتي. أعمل إيه؟ ساعدني أرجوك، أنا عارفة إني غلطت ومش هعملها تاني وعد، بس أعمل إيه؟
أرجوك ساعدني وأوعدك مش هعملها، أرجوك يا كتور علاء رد عليّا بسرعة، أرجوكم أرجوكم.
1/7/2020
رد المستشار
صديقتي، ما تقولينه هو أقرب للهذيان والتخريف.
افهمي الآتي:
1- علاقة أبيك وأمك لا علاقة لكٍ أنت بها، وليس من شأنك ما يحدث فيها. إن طلبا المساعدة فعليك المساعدة ولكن ليس لديك الحق في التدخل أو أن يكون لك رأيٌ يعتد به. هما أبوك وأمك وسيظل هذا هو الحال وهذه هي الحقيقة بغض النظر عن كونهما متزوجان أم مُطلقان أو في بيت واحد أو في بيتين مختلفين.
2- مذاكرتك ونجاحك هو لك وليس لوالديك، ولا يعوضهما الزواج من رجل غني. إن لم يكن لك عقل يُحترم فلماذا سيبقى أي زوجٍ بجانبك؟ مهما كان جمالك وتفانيك في حب أي شخص، إن لم يحترم تفكيرك فسوف يجد هذا سبباً للملل منك مع الوقت. لو فكرت الآن في سؤال الرجل الذي تقولين أنك تحبينه عن هذا، فهذه علامة أكيدة على عدم نضج تفكيرك وقلة ثقافتك. إن تزوجت الآن على هذه الحالة فمع مرور الوقت لن تكوني إلا أداة للمتعة أو وعاء للإنجاب.
3- ممارسة العادة السرية ليست عيباً أو حراماً ولكن بلا إفراط، مرتين في الأسبوع شيء صحي. رجال الدين في أي دين لديهم مشكلة مع المتعة الجسدية والجنسية مع أنهم مهووسون بها، لست عالماً دينياً ولكني لا أجد أي منطق في أن إمتاع النفس شيء غلط أو حرام. ليس هناك غش أو كذب أو خيانة أو ذهاب عقل أو زنا في العادة السرية، لم تذكر في أي آية قرآنية ويقولون أنه التفسير لبعض الآيات هو الذي يحرمها. في رأيي هذا كلام فارغ وخالي من العقل والمنطق ورغبة في التخويف والرعب.
4- وصفك لمسألة التبول وانقطاع الدورة يوحي بعدوى مسالك بولية واحتمال اضطراب في الهرمونات بسبب الضغط النفسي الذي تخلقينه لنفسك لذلك يجب أن تذهبي إلى الطبيب للكشف.
5- سنك صغيرة وتريدين الزواج من رجل متزوج في السر، هذا هو الجنون بعينه. لماذا يخفي هذا المتدين الشجاع ما هو حلاله؟ لا أصدق تدينه أو شجاعته حقيقة، إما أن يطلق زوجته أو يصارحها ويصر على حقه الشرعي. الزواج في السر يساوي أنه سوف يكذب على من عاشرها وأنجب منها ويعيش معها. كيف ستشعرين معه بالأمان؟ لماذا تعتقدين أنه لن يتزوج عليك في السر أيضاً؟
أنت تريدين أن تصدقيه. قلت لكٍ في ردي السابق أن المعرفة والاهتمام والاحترام والمسؤولية يجب أن تختبر في الأفعال وليس فيما يقوله لك، يقول لك أنه مضطر للكذب على زوجته وأنه سوف يبقي زواجكما سراً عنها هي فقط، فهي الوحيدة المغفلة في الموضوع مع أنها من تنام إلى جانبه وتعيش معه وتمارس الجنس معه وتأكل معه، وقد تكون أُماً لأولاده. أليس هذا غشا ً وكذباً وخيانةً للثقة والأمانة والميثاق الغليظ في الزواج. كيف ستشعرين معه بالأمان؟؟؟
وفقك الله وإيانا لما فيه الخير والصواب.
ويتبع >>>>> : كيف أعرف أنه يحبني ؟؟ م1
تعليقات الأعضاء