القوة السحرية للأفكار : وسواس قهري الموت ! م1

القوة السحرية للأفكار : وسواس قهري الموت ! م
والدي رفض إني أروح دكتور نفسي.

والدي رفض إني أروح دكتور نفسي كما نصحتموني بس ظهرت علي أعراض جديدة كل يوم وكل لحظة بتعدي علي كإني بشوفها لأول مرة حاسة أن مخي أبيض وبشوف كل حاجة بيضاء كأني في مكان أبيض لوحدي محدش معايا أنا الشخص الوحيد اللي اتولد وفي مكان في العالم كله محدش معاه ثاني
 
حاسة أني شفافة زي الملائكة مفيش حد بيشوفهم ولا بيحس بهم .. مش عارفة معناها أنا مش بمعنى أني مش لاقية نفسي لا بمعنى أني مش عارفة أنا مين بجد إنسان إزاي يعني إيه إنسان ؟ أصلا في حالة مش عارفة أوصفها أنا مش فاكرة نفسي أنا مين ولله مش عارفة أنا مين صدقني أنا مبقتش حاسة بنفسي ولا حاسة بالدنيا خالص لازمتي إيه في الوجود يعني إيه وجود أصلا؟؟
 
حياتي خلاص انتهت أنا اتجننت دنيا يعني إيه احنا فين إحنا كدا إزززااي.؟؟؟ حاسة إحساس غريب أوي مش عارفة أوصفه لك، مش عارفة أسيطر على أعصابي فقدت السيطرة على نفسي خلاص مش فاكرة أي حاجة إنتم مين إنتم إيه اللي أنا وصلت له دا أرجوك أنا جاء لي الفصام ؟؟؟؟ أنا اتجننت صح ؟؟؟ أنا مش عارفة أوصفلك أنا حاسة بإيه مش حاسة أني بني آدم خالص حاسة أني مش في الدنيا حاسة أني مش عايشة أصلا حاسة أني مش في الدنيا في حاجز بيني وبين الحياة مش حاسة أني موجودة على الأرض في الدنيا مش بني آدم مخلوق وأنا قاعدة مرتين في أوضة البلكونة بتفرج على التليفزيون
 
لما بابا كان صاحي جاء لي شعور وخوف فجأة كدا وإن أنا مين وحسيت أني عايزة أفضل أجري في الشقة ومخنوقة وخايفة جامد ومش عارفة مين اللى حواليّ وحاولت أهدأ بكل الطرق معرفتش كنت عايزة أقوم أقول لهم انتوا مين انتوا مين ؟؟ يعني إيه ماما؟؟ يعني إيه بابا؟؟ انتوا انتوا مين مييننننن ؟؟؟؟؟؟ وفضلت دقات قلبي سريعة وأبص حواليهم وعلي وكنت عايزة أقوم أجري في كل حتة في الشقة عشان أعرف أنا مين وموجودة فين وفقدت السيطرة على نفسي، وكنت خايفة يعرفوا بذا فأموت من ذهولهم أنا خايفة أموت في أي وقت من ذا أنا ببقى حرفيا فاقدة السيطرة على نفسي قلبي يقف في أي وقت تجيء لي الحالة ذي خايفة أوي أوي أموت بسبب ذا أو تجيء لي وأنا لوحدي وأموت
 
خايفة أنسى الدنيا كلها ومفتكرش ولا بني آدم يعني إيه كرسي يعني إيه ذا وذا يعني إيه تليفون حاسة أن فيه فاصل كبير بيني وبين وجودي في الحياة كأني فوق في السماء وكل الناس مش معايا ومش شايفني ومش حاسين بوجودي، حاسة إني شفاف هو أنا كدا هموت بجد صح ؟ حاسة إني بكدا هموت بجد لأني تايهة ومش فاكرة اللي حوالي أقسم بالله حتى أصحابي مش عارفاهم يعني إيه أصحاب كل حاجة أقول يعني إيه يعني إيه يعني إيه ربنا وجنة ونار وكل ذا أنا متأكدة تأكيد تام أني هموت بسبب الحالة ذي لأنها بتجيء لي وبنسى كل حاجة ومش ببقى فاكرة أهلي أصلا وببص لكل شيء باستغراب كأني بشوف كلللللل ذا لأول مرة وببقى عايزة أجري عشان كذا هموت نسيت كل حاجة وتايهة هموت كده خلاص بقى
 
خايفة تجيء لي وأنا لوحدي وأموت من الخضة أو مفتكرش حد نهائي خالص خالص وأنا لوحدي لأن امبارح كنت هموت من الرعب أرجوكم ساعدوني مش حاسة أني في الحياة والوجود حاسة أني هموت والحياة خلاص قصاد عيني بتنتهي، وحاسة علطول أن العالم هينتهي أو أنا اللى هموت أول ما جات سنة ٢٠٢٠ بالضبط حسيت برعشة وخوف من الرقم كان في حاجة هتحصل أو خلاص الدنيا بتنتهي!!!! وخائفة أوي من قدوم الشتاء مع أني كنت أحبه أوي بس حصلت لي فيه ظروف وحشة اللي هي حالتي من ساعة ما بعثت لكم

خايفة أموت ومستحملش الحياة في الشتاء فأموت بسبب الخنقة والرعب
لحد ما الشتاء يخلص أعمل إيه !!
7/9/2020