هرش العانة والغشاء ونقطة الدم

 أرجوكم ساعدوني

السلام عليكم ورحمة الله وبركاته، في البداية لازم أشكركم جدا على الموقع الرائع ده وأكيد أنتم حاسين بمدى تأثيره على الناس من كل الأعمار.

أنا عندي *** سنة وفي**** مشكلتي بدأت أيام الامتحانات السنة الماضية وحصلت قبل آخر امتحان بصراحة أنا محرجة جدا لأني أول مرة أصارح حد بيها وهاين عليا أمسح كل اللي كتبته بس أنا فعلا تعبت أوى

المشكلة أني أحيانا أهرش في منطقه العانة تقريبا اسمها كده وفى مرة الامتحان دي أنا اتعصبت لإني أصلا كنت متوترة واضطريت أن ألف يدي خلف ظهري لأهرش ثم وجدت بعض نقاط دم وكانت الدورة الشهرية متأخرة هذه المرة يمكن عشان الامتحانات وجت تانى يوم وكانت مؤلمة جدا لدرجة أنى أخذت مسكنات كتير وما عرفتش أذاكر طول اليوم

لكن بعد اللي حصل أنا خفت أهرش تانى لفترة لكن للأسف لم أستطع والحمد لله ******وكانوا أهلي سعداء بي، أنا حاولت أنسى الموضوع لكن أصبح تفكيري شبه دائم فيه، وطبعا لم أقل لأحد. هل أنا لم يعد عندي غشاء؟

وبالنسبة لموضوع الألم أنا لا أذكر هل شعرت بألم أم لا فأنا كنت مشغولة بألم الهرش، أنا بستغفر ربنا على الخطأ ده ومش عارفة أنا كده أذنبت ولا لا؟؟ 

تانى حاجة إني رجعت أهرش تانى حتى أن المنطقة أحيانا بتلتهب، أرجوكم قولوا لي هل ممكن أعمل حاجه للهرش ده

وهل له علاقة بالعادة السرية مع إني والله لم أكن أعرفها من قبل ولا أشعر بأى متعة بل بألم كما يصاب الشخص بالرغبة في الهرش في أي منطقة أخرى من جسمه

الموضوع أثر أوى على دراستي وأصبحت أفكر به دائما، ولا أستطيع أن أصارح به أي أحد أنا حاسة بالذنب لأني عملت حاجة غلط لكن ماكنش قصدي وطبعا أحلام الزواج والأمومة تدمرت عندي، حتى أن التفكير فيها بقى أمر مؤلم بالنسبة لي لا أنكر إني أريد أن أبقى زوجة وأم لكن أنا مش على استعداد أن يظن بي أحد سوء أو يتهمني بأمر لم أفعله

أنا الحمد لله بأحاول أكون ملتزمة وعلاقتي مع ربنا كويسة وأتعرف على الدين من قبل الموضوع ده،

أنا مش ممكن أصارح ماما أو أى حد بالموضوع دة لكن محتاجة مساعدتكم أرجوكم فانا أثق بكم بشده لكن أرجوكم ابعتوا الرد على الإميل لأن أختي تتصفح الموقع وممكن تعرف إني أنا، أرجوكم وأنا عارفة إنها مشكلة مكررة ومش هتفيد ناس كتير

أرجوكم وإن كان ولابد فخلاص أنا ممكن اقرأ إجاباتكم على الموضوع في استفسارات أخرى لكن بالله عليكم لا تنشروا مشكلتي وشكرا لكم
والسلام عليكم
21/01/2005