|
| 
|
وسواس الطهر من الحيض والشك في الصيام م9
الشك في الصيام
لو سمحت أنا أعاني من وسواس الصيام لأن دلوقتي بقضي الأيام التي أفطرتها بسبب الحيض في رمضان، إمبارح كنت صائمة اليوم الثاني وعاوزة أعرف اللي عملته ده يفطرني وأعيد اليوم ولا لا؟ أنا بحس أني ببلع حاجات كل لما أبلل شفايفي باللعاب وكده بمرر منديل على لساني مكان الحاجة ملاقيش فببلع في مرة بلعت من غير ما أشوف.
مع العلم أنا محستش بالجرم أوي أو حسيت ومعرفش ده من الوسواس أم حقيقي بس أنا بكون غاسلة أسناني وموقفة أكل قبل الأذان يومها بساعات ومتمضمضة كويس جدا ... أنا أوسوس في الريق الذي على حواف الشفاه أوسوس بخروجه ودخوله والرزاز اللي بتطلع أثناء التحدث أو قراءة القرآن وبحس بيه علي الشفاه وهل كده انفصل ولا لا؟؟ بوسوس إنه بمسح بالمنديل أطراف الشفاه أو مثلا لو مسحت لجوه إن كده لو في لعاب بره مفصول فأنا رجعته لجوه ففطرت مع العلم ببقى قافلة بوقي ومبطلعش لساني
أنا على آخر اليوم حصل معانا حاجتين خلوني أعيط الأولى أني صحيت من النوم بمسح حواف الشفاه لقيت نفسي معرفش طلعت كل اللعاب ودخلته ثاني عمد بس مبلعتش تفلت اللعاب يجيئ ثلاث مرات في المناديل أتفل وأمسح الشفاه عشان ميخطلتش وبلعت وقعدت أوسوس أن في من الريق ده اختلط وأنا بلعته ومعرفش إيه اللي خلاني أعمل كده مدافعة للوسواس زهق معرفش أنا نفسي مش فاكرة خرجت اللعاب ده ليه!!
آخر حاجة فكرت في شيء كده وأنا نائمة إن في زي شخصية أنمي في دماغي زي حلم أنها قربت من حد تاني وجاي يبوسها قامت قسمت وشه بالسيف فقت وأنا قلقانة ليكون بسبب الفكرة التي سرحت فيها عمدا ماقحمتش في دماغي دي نزل لي إفراز نجس أبطل الصيام مع العلم أنا مبفتشي عن الإفرازات ولا ببص أصلا ولا أعرف شكلها أو لونها وهل نزلت أم لا؟
ما حكم الصيام هل أعيده ثاني؟ وهل لو أفطرت كده عليَّ كفارة صيام شهرين متتابعين؟؟ أنا معرفش الإفراز ده لونه أو شكله إيه لأني ما بفتش فهل كنت المفروض أشوف ومعرفش هل نزل أو لأ؟؟
إيه حكم صيام اليوم وهل ربنا مسامحني؟
والنبي أفتوني في أمري أعيد ولا لا؟؟!!
17/5/2022
رد المستشار
الابنة الفاضلة "Mena" أهلا وسهلا بك على مجانين وشكرا على ثقتك، واستعمالك ومتابعتك خدمة الاستشارات بالموقع.
يعني أنت قاعدة ما زلت تفتشين في الأحكام ... رغم أنك صاحبة رخصة واسعة ... وتتبعين الوسواس أينما أراد لأنك ما زلت غير مقتنعة أو متأكدة أن لك رخصة ... إذن بلانا منك يا صاحبة الوسواس.
كل الذي حكيته لنا من أول بقايا الطعام مرورا باللعاب وما خرج وما دخل إلى حد نزول ما نزل (مفترضين جدلا أنه مني) ... كل هذا لا يفطر بسببه الأصحاء!! فنحن ما بين "اليسير الذي يعفى عنه"... ورأي الحنفية بأن بلع اللعاب غير مفطر حتى وإن خرج عن داخل الفم وهذا مذهب للأصحاء، (إذا كنت تريدين الخلاص من وسوستك بهذا الموضوع اتبعي المذهب الحنفي في هذا الأمر) وكفي عن الاهتمام به وامتنعي تماما عن تجفيف شفاهك أو داخل فمك، وأخيرا نصل إلى ما تشكين أنه نزل فسنقول لك حتى لو كان منيا وأنت تعمدت التخيل وقصدته فإن الاحتلام وكذلك إنزال المني بالفكر غير مفطر بإطلاق عند الحنفية والشافعية والحنابلة، وهذا بحق غير الموسوس الذي يتعمد التفكير ... فما بالك بموسوسة تطاردها الأفكار وتقهرها، وليست هي من تستجلبها وتتعمدها؟
اقرئي ولا تعودي تسألي:
وسواس الصيام : التخيلات الجنسية لا تفسد الصيام !
وسواس الصيام : من الشك حتى الابتلاع !
وساوس الصيام طعم الشفاه والشعر!
وسواس بلع الريق في الصيام
ومرة أخرى نكرر (واعلمي أن عجزك عن التصرف بالشكل الذي نصحناك يعني ضرورة العلاج ... فقط تخيري الطبيب والمعالج النفساني المتمرس على علاج الحالات المشابهة.)
أهلا وسهلا بك دائما على موقع مجانين فتابعينا بالتطورات.
ويتبع>>>>: وسواس الطهر من الحيض والشك في الصيام م11
تعليقات الأعضاء