|
| 
|
هل وسواس قهري ؟ وسواس ما قد يظهر في الصلاة م5
مريضة وسواس ديني
أرجو الرد من الدكتورة رفيف لو سمحت يا دكتورة أنا عايزة حضرتك تديني جلسات أون لاين للضرورة القصوى عشان تعبت أوي جدا نفسيا والوسواس تعبني جدا جدا مع العلم أني بتعالج باخد أدوية وبتابع مع دكتور وروحت لكذا دكتور وبقالي سنين وحالتي النفسية بتسوء.
ولما عرفت حضرتك وقرأت لحضرتك على الموقع كنت بفرح وبستريح لما أقرأ فتاوي لحضرتك لغيري مش أسئلتي أنا وكمان لما عرفت اختصاص حضرتك اتبسطت وقولت حضرتك اللي هتساعديني كتير أوي في علاج الوسواس وأني أستريح من ناحيته بإذن الله ومش هينفع ومش هيكفي رسائل علي الموقع لشدة الحالة ووجود صعوبة وأنا من غير ما أشوف حضرتك حبيتك وأخدت بفتوى حضرتك قلتها من ناحية النجاسات
فأرجو أن توافقي على طلبي ونتراسل على الخاص عشان أعرف إزاي أدفع لحضرتك عشان أعرف تفاصيل الجلسات دا لو حضرتك وافقتي وأتمني إن حضرتك توافقي.
ولك جزيل الشكر وجزاك الله خيرا
وآسفة على الإطالة
25/6/2022
رد المستشار
السلام عليكم ورحمة الله وبركاته
شكرًا على مشاعرك الطيبة، وأحبك الله الذي أحببتني فيه
بالنسبة للجلسات العلاجية، أنا لم أتدرب على إجراء جلسات علاجية نفسية-شرعية مباشرة بعد. والجلسة العلاجية ليست عبارة عن جلسة فضفضة عشوائية، بل هي أمانة ومسؤولية ولها أصولها.
ما أقوم به حاليًا هو نقل الحكم الشرعي الخاص بالموسوسين وبيانه لهم بطريقة ميسرة لا تزيد وسوستهم، وإرشادهم إلى كيفية الجمع بين تطبيق الحكم والعلاج؛ وهذا يكفي فيه مراسلات الموقع
وفقك الله
تعليقات الأعضاء