|
| 
|
إصابات الولادة والوسواس: المهم العلاج يا ناس! م5
تعبت والله
السلام عليكم، مش عارف إيه اللي بيحصلي يا دكتور وائل كنت بقالي أكتر من شهر كويس من بعد ما بدأت العلاج مع طبيب وكنت خلاص بقول إني كدا إن شاء الله هتخلص من الوسواس قريب بس حصل اللي مكنتش أبدا أتوقعه!!
كنت في الفترة اللي فاتت عارف بتجاهل الوسواس كويس بيجيلي أفكار وأحاسيس بس كنت بعرف أتجاهلها، ولكن من حوالي خمس أيام كدا كنت بستحمى فببص لجسمي في المراية فحسيت إحساس غريب مش عارف حتى أفسره، فرجع لي الوسواس تاني لما افتكرت إن اللي عندهم اضطراب هوية مش بيحبوا أجسادهم وكدا، فجاء لي حالة خوف شديد لأني من يومها كل ما أبص بشكلي أحس أن دا حد غريب مش أنا وأنا من جواي حاسس إني نسيت شخصيتي اللي أنا دات نفسي عارفني بيها، أنا مش عارف حضرتك فاهمني يا دكتور ولا لاء بس والله أنا دات نفسي مش عارف إيه الإحساس دا !!!
الإحساس بنفسي من الداخل مبقتش عارف أوصل له ومش عارف أفتكر الشخصية بتاعتي، رغم إني قبل الوسواس وحتى بعده ومن فترة قريبة بحس بنفسي وشخصيتي الرجولية وبعتز بيها، دلوقتي كل ما أحاول أفتكرها أحس إنها غريبة عني وإن دا مش أنا، مش عارف دا بيحصل ليه دا !! بقيت أحس أنا اللي جوايا دا مش أنا ومش عارف أحس بنفسي وشخصيتي
الموضوع دا تاعبني جدا بقى لي تقريبا أربعة أيام كل يوم بالليل بتعيط مش عارف إيه اللي أنا وصلت له دا رغم إني كنت فاكر إني قربت أتخلص من الوسواس !
عاوز أعرف يا دكتور هل دا مرض غير الوسواس اللي عندي لأن الموضوع دا خلي الوسواس يرجع تاني بشكل أقوى،
عاوز رد مقنع يا دكتور وائل أرجوك
4/7/2022
رد المستشار
الابن الفاضل "Ahmed" أهلا وسهلا بك على مجانين وشكرا على ثقتك، ومتابعتك خدمة الاستشارات بالموقع.
أنت الآن تعالج من اضطراب وسواس قهري الخوف من الشذوذ واضطراب الهوية الجنسية وقد قلت في رابع إفاداتك لنا ما نصه (وفكرني باضطراب الهوية ورجعت الفكرة دي تاني بعد ما كنت نسيتها فترة ويجيء لي فكرة بتقول أنت بتحس بكده عشان دا مش جسمك!!! رغم إن والله إحساسي الداخلي بحس إني رجل عادي) ... هذا ما كان وهذا ما يتكرر الآن ... لا جديد ... لكن هذا طبيعي في بداية العلاج.
ما يجب تنبيهك له يا "Ahmed" وما يعتبر الرد المنطقي على تساؤلاتك هو أن لديك ككل مريض بأعراض وسواس قهري مشكلة أسميها عمه الدواخل وتعني أن الطريق بينك وبين جوانياتك أو دواخلك أو أحاسيسك الداخلية ليس موصلا جيدا مع الأسف لديك قصور في القدرة على القراءة من داخلك تستشعر ما يمنع اكتمال خبرتك بما يجب أو تود أن تشعر به أو العكس حيث تجد ما لا ترضى أن يكون داخلك من أحاسيس مثلا، كأن تشعر باستغراب وأنت ترى صورة جسدك في المرآة... هذا وسواس يستغل قابليتك العالية للشك في دواخلك ومنها الهوية والميول والنية ....إلخ. يعني عليك أن تكف عن التفتيش في دواخلك على الأقل استجابة للوسواس لأنك لن ترجع إلا خائبا تفتش فتشك أو لا تجد أو تجد متغيرا أو عكس ما يجب أو أقل أو أكثر أو أو ... عليك أن تتفاهم مع معالجك عن هذا الأمر.
وقد بدأت العلاج وتحسنت بفضل الله عز وجل حتى ظننت أنك تحسنت ... ثم فاجأك مرة أخرى وبطريقة مشابهة ... عليك أن تتعلم من كل مرة تخفق فيها في إهمال الوسواس وتجاهله، وتتعلم أثناء العلاج ألاعيب الوسواس وحيله حتى تتمكن من مناجزته بنفسك إن عاودك بعد انتهاء العلاج.
ومرة أخرى أهلا وسهلا بك دائما على موقع مجانين فتابعنا بالتطورات.
ويتبع>>>>>: إصابات الولادة والوسواس: المهم العلاج يا ناس! م7
تعليقات الأعضاء