|
| 
|
إصابات الولادة والوسواس: المهم العلاج يا ناس! م6
تعبت والله
في حاجة تانية يا دكتور لما طبعا من القلق والتعب اللي أنا فيه حبيت أطمن نفسي فبحثت على النت على موقع مجانين ومواقع تانية، لقيت شخص كان منزل استشارة عن حالة تشبه حالتي فكان رد الطبيب عليه أن الوسواس القهري ممكن في حالات يؤدي إلى اضطراب الهوية!! ... مش عارف أوصف لك يا دكتور القلق اللي جاء لي لما شفت الكلام دا وما كنتش عارف أنام من امبارح والله، هل الكلام هذا صح فعلا؟
وطبعا ربطت موضوع استشارتي السابقة بأني مش بحس بهويتي من الداخل بالكلام اللي فوق هذا!! ... وأنا والله رغم أني فعلا الفترة دي بيحصل لي الكلام دا بس واثق إني راجل من جوايا لأني لما باجي أتعامل مع الناس أو أتكلم مع حد الموضوع دا مش بيبقي موجود تماما، يعني إن شاء الله يكون موضوع الهوية دا مجرد وسواس بس أنا مش عارف أطمئن من القلق اللي بيجيلي لما بحسس نفسي بهويتي بحس إني مستغربها أو مستكترها علي.
أنا عارف إن ممكن يكون كلامي مش مفهوم يا دكتور بس أتمنى إن حضرتك توضح لي كل حاجة وتطمئني أن ما يحصل لي دا ملوش علاقة ولا بشذوذ ولا اضطراب هوية!!!
أني اتخنقت والله ومبقتش عارف أعمل إيه
4/7/2022
رد المستشار
الابن الفاضل "Ahmed" أهلا وسهلا بك على مجانين وشكرا على ثقتك، ومتابعتك خدمة الاستشارات بالموقع.
أهلا وسهلا بك... المعلومة التي تقول أنك قرأتها في إجابة لزميل على موقع استشارات ليست صحيحة علميا على الإطلاق، ولكننا لا نعرف السياق الذي كانت فيه وربما يقصد شيء آخر مثل أن اضطراب وسواس قهري الهوية الجنسية، قد يكون واحدا من احتمالات التشخيص التفريقي في حالات اضطراب الهوية الجنسية.... وقد يكون الوسواس القهري مواكبا لاضطراب هوية جنسية في نفس الشخص ... لكن لا يؤدي الوسواس القهري إلى اضطراب هوية جنسية.
شرحنا لماذا لا تحس بدواخلك واقرأ جيدا عن طلب بدائل للحالات الداخلية ط.ب.ح.د ... وتوقف عن الدوران في حلقة مفرغة من الشك فطلب الطمأنة فهذا لا يفيدك ... أنت بحاجة إلى تواصل مع معالجك السلوكي المعرفي وليس فقط طلب الطمأنة من المواقع الإليكترونية بما فيها مجانين.
ومرة أخرى أهلا وسهلا بك دائما على موقع مجانين فتابعنا بالتطورات.
ويتبع>>>>>: إصابات الولادة والوسواس: المهم العلاج يا ناس! م8
تعليقات الأعضاء