|
| 
|
حصار معرفي أو وسواس قهري أنا تعبت! م11
وساوس النسيان والتركيز urgent please
جايلي فكرة هي قديمة جدا معايا بس كنت نستها تماما تماما والحمد لله كنت تحسنت، الفكرة نفسها هي أني هنسي الكلام اللي هقوله حالا.. يعني أكون بتكلم عادي ومفيش في دماغي أي أفكار ومركزة ومفيش أي مشكلة ألاقي فكرة تجيلي تقولي هتنسي دلوقتي هتقولي إيه ألاقيني اتشتت فورا ومعرفش أكمل كلمتين على بعض ودايما بمجرد ما بحس بالفكرة بحس بأن دماغي فيها حاجة لاصقة فيها طبعا مش عارفة أقدر أوصل يعني إيه حاجة لاصقة في دماغي ولا لا بس دا ارتباط شرطي أول لما بفكر في الفكرة بحس إن دماغي لاصق فيها حاجة ومشتتني وممكن معرفش حتى أجمع رقمين على بعض ولا أوصف لحد أي حاجة ولا أفرق بين حاجتين قدام الطلبة بنسى بجد بس نسيان وهمي والله
الدليل إني لما مش بفكر في الفكرة ببقى طبيعية ومتفوقة جدا مع الطلبة، حرفيا مش عارفه أعمل إيه، أنا مخنوقة وخلاص ومتضايقة جدا أن عندي الفكرة ذي وعاملة لي أفكار تانية بس واعية بها ومش بطاوعها وهي إن أنا مش هعرف أشرح للطلبة ومش هعرف أحضر الدروس، ولكن يعني بحاول على أد ما أقدر ما يبقاش فيه صراع جامد وأكمل عادي في الشرح حتى لما أفكر في الفكرة بس مسبب لي كرب رهيب
هل بجد الأفكار ذي لها حل، يعني أعمل إيه هل العلاج المعرفي السلوكي هيجيب نتيجة، يعني هيجيلي يوم الفكرة هيبقى تأثيرها عليا صفر وليه بتأثر عليّ أوي كدا
17/4/2023
رد المستشار
الابنة المتصفحة الفاضلة "Unknown" أهلا وسهلا بك على مجانين وشكرا على ثقتك، واستعمالك ومتابعتك خدمة الاستشارات بالموقع.
التصرف الصحيح هو أن تستمري في التحضير أو الشرح دون أن تهتمي أدنى اهتمام بوجود مثل هذه الفكرة في وعيك، سيكون هذا صعبا وربما مزعجا في البداية لكنك إن صبرت وصممت على الاستمرار فيما تفعلين رغم وجود وإلحاح الفكرة فإنك ستنجحين... وبالتدريج ستخفت الفكرة... وكما قالت لك د. رفيف الصباغ: (لا يوجد شيء اسمه (لا أستطيع، هناك ارتباط شرطي..) بلى تستطيعين إذا أنت أردت، وهناك طرق لإزالة الارتباط الشرطي الذي تتكلمين عنه؛ لكن أنت فقط من يمكنه ذلك)
أنصحك بالبحث عن معالج سلوكي معرفي ذي خبرة في علاج الوسواس القهري،
ومرة أخرى أهلا وسهلا بك دائما على موقع مجانين فتابعينا بالتطورات.
ويتبع>>>>: حصار معرفي أو وسواس قهري أنا تعبت ! م13
تعليقات الأعضاء