|
| 
|
وسواس النجاسة: طفلي ورضيعي وانتشار النجاسة!
انتشار النجاسة
عندي وسواس نجاسة وطفلي الرضيع جاله التهاب في العضو فبحط له كريم وعند تشطيفه مش بقدر أشيل كل الكريم من العضو بسبب الالتهاب شديد فبغسل قد ما أقدر وخلاص فبحس بعدها أن كل حاجة تنجست الفوطة بتاعته وإيدي أما بحطله كريم تاني وجسمي وهدومي عشان بشيله بسبب اختلاط الكريم مع البول ومش بقدر أشيل الكريم كله .
تاني سؤال ابني ٦ سنوات رأيته يحك مؤخرتة وسألته حكيتها من الداخل أم فوق الهدوم قالي من الداخل ووضع يده على فرش الكنبة فأخدته وغسلته كذا مرة في الغسالة وقلتله يغسل إيده وكان الحمام مشغول فغسل إيده على حوض المطبخ وكان فيه أطباق للأسف في الحوض ووقف مش عارفة أعمل إيه وابني التاني بيعيط فغسلتهم بالماية بس ودعكتهم بإيدي عشان فيه دهون طبعا ووضعتهم جانبا لغاية ما أغسلهم والحوض اتسد من الفضلات واتملى مايه فحاسة أن المايه اتنجست وشيلت البقايا من الحوض رميتها في الزبالة فحاسة أن وأنا ماشية نقطت في كل مكان وأن الأطباق لسه فيها أثر نجاسة عشان فيها دهون وغسلت الحوض وبرضو شاكة فيهم والأسوء أن طرطش عليه مايه طبعا وحاسة أني اتنجست بس مسكت نفسي أن أغير هدومي أو أستحم ومش عارفة كدة صح ولا غلط خصوصا أن بدأت أشك أن كل حاجة لمستها اتنجست
وعاوزة أسأل على حاجة أنا قريت أن تكاثر الماء على النجاسة يزيلها ما كده المفروض لو غسلت إيدي من البول المايه اللي نازلة دي مش نجسة زي لو وقع بول في مكان هيقولوا يكفي صب الماء عليه ومكاثرته بالماء فيطهر زي لو وقع نقط بول على قاعدة الحمام بنرشه بالماء وخلاص كده طهر ولا لازم نغرق الدنيا مايه والأرض وجسم الحمام عشان جه عليه المايه بالبول دي وإيه الفرق بين ورود النجاسة على الماء وورد الماء على النجاسة حساه منطق غريب جدا يعني شوية مايه يطهروا ثياب أو أرض ولو حصل العكس ونقطة بول وقعت في المايه تنجسها كلها .
وعندي مشكلة في الجماع للأسف مع زوجي لو ابني الرضيع صحي وأنا بحس أن كلي مليانة مذي وسوائل من الجماع إزاي أشيلة وأرضعه هحس أني هنجسة وأرجع أحطه على السرير وأشيله بعد ما أطهر وأتنجس تاني وهكذا
والسرير كمان سمعت أن مش لازم أشيل الملاية وأشوف المكان اللي جه فيه المذي بس إزاي ما إيدينا بتبقى مليانة مذي وبنلمس كل الملاية مفيش حتة مش بييجي فيها خصوصا الزوج .
سؤال كمان عند الحيض بشك في المايه النازلة بغسل المكان كتير جدا ومع ذلك بعض الأوقات أما بنشف بمنديل بلاقي دم فبقيت أحط منديل في المخرج وأغسل بس بحس المنديل بيتبل وينقل النجاسة من جوه لبره والموضوع بقى شاق جدا مش عارفة أعمل إيه
28/7/2023
رد المستشار
وعليكم السلام ورحمة الله تعالى وبركاته يا "منية"، وأهلًا وسهلًا بك على موقعك مرة أخرى
-بالطبع أنت تجففين عورة طفلك بعد تشطيفه، وبعد هذا ما المشكلة؟! ضعي الكريم، ولتتنجس يدك، ثم ضعي الحفاضة، وإذا كان هناك نجاسة فهي داخل الحفاضة، ادهني عضوه ثم اغسلي يدك. أضيفي إلى أن الماء المتقاطر من طفلك بعد انتهائك من تشطيفه، إذا لم يكن متغيرًا فهو طاهر عند المالكية.
-ابنك عندما حك مؤخرته من الداخل، لم تتنجس يده، أنت تراقبينه وتدخلين معه عند قضاء حاجته، وتساعدينه في تنظيف نفسه، إذن عورته طاهرة، وأنت متأكدة من ذلك. ثم لو فرضنا أن يده تنجست، فهو عندما وضع يده على الكنبة أو غسلها فوق الأطباق لم يكن عليها نجاسة ظاهرة، أي لم ينتقل أي شيء منها، إلى أشياء أخرى...، أرثي لحال أطفالك حيث يتعلمون الوسوسة غصبًا عنهم، هل تحبين أن يعانوا يوما كما تعانين أنت؟!!!
بالنسبة لنزول نقطة ماء على مقعد الحمام أو الأرض، أو اليد... يكفي جريان حفنة ماء عليها، وإغراق المكان بالماء من الجهل بالدين بغض النظر عن الوسوسة.
ولن أشرح لك الفرق بين ورد الماء على النجاسة أو ورودها عليه، لأنك ستضيعين، ولا داعي لمعرفة ذلك، لأن المالكية لا يفرقون بين الأمرين، وإنما المهم عندهم ألا يتغير الماء بالنجاسة سواء كان قليلًا أم كثيرًا.
بالنسبة لحمل ابنك وعليك آثار المذي، الصراحة لا أعرف كيف أشرح لك؟!! هو شيء منك، وليس حكمًا شرعيًا، عليك أن تطنشي وفقط!
عند الحيض، بكل بساطة بعد أن تسدي المكان بالمنديل، وتغسلي نفسك، جففي المكان بالمناديل قبل أن تقومي، وفقط.
وأهلًا وسهلًا بك
واقرئي أيضًا:
وسواس الاستنجاء وسواس النجاسة: التطنيش+عدم التفتيش!!
وسواس النجاسة: القاعدة هي التطنيش+ممنوع التفتيش!
ويتبع>>>: وسواس النجاسة: طفلي ورضيعي وانتشار النجاسة! م1
تعليقات الأعضاء