|
| 
|
وسواس النجاسة: طفلي ورضيعي وانتشار النجاسة! م3
الغسالة الاوتوماتيك وطرطشة الماء على الباب
أنا سمعت بنصايحكم ورحت للطبيب وبأخد أدوية وجلسات ومش حساها عامله نتيجة الحقيقة وهكمل برضو بإذن الله
المهم أنا غيرت غسالتي إلى غسالة أوتوماتيك تحميل أمامي المهم أنها بتسحب مايه قليلة جدا مش بتغمر الملابس بالماء بتسحب مايه من جنب الباب كده من فتحة صغيرة جدا وتلف قبل ما تغمر الملابس بالماء وهي بتلف بتطرطش مايه خفيفة عالباب ومجرد طرطشة بس مش بييجي مايه تطهر الباب بعد كده أنا تابعت البرامج وشوفت بعيني أنها بتطرطش وبس مش بييجي مايه على الباب تاني كفاية أنها تطهره المهم الملابس بشطفها على إيدي إنما مشكلتي في الفراش بعد الجماع بيبقى كبير جدا مقدرش أغسله على إيدي زي الملابس وده مخليني ممتنعة عن العلاقة للأسف وزوجي متفهم الحمد لله لأنه كان عنده وسواس شديد جدا جدا وهو صغير وفاهم فهو متفهم بس أنا متضايقة طبعا ومش عارفة أعمل إيه وأنا مش مقتنعه بأني أغسل الجزء اللي جه فيه مذي بس عشان طبيعي الجسم كله أثناء العلاقة بيتوسخ من المذي وبنتحرك على الفراش فطبيعي الفراش كله يتوسخ مش مجرد حتة واحدة هقدر أحددها والمذي ملهوش لون صعب أني أكتشف مكانه كمان
وفيه سؤال كمان لو إيدي فيها أثر زيت من طعام مثلا أو كريم وإيدي لزجة كده هل لو شطفت طفل بعد قضاء الحاجة أو أنا استنجيت إيدي اتنجست بسبب الزيت ولازم أستخدم صابون ولا لا؟
وفيه حاجة بعملها مش عارفة صح أو لا وهي أني أما بغسل إيدي من نجاسة على الحوض لازم أغسل الحوض كله بحس أن المايه لمست النجاسة وطرطشت في كل مكان وبفكر أنا مكنتش بعمل كده زمان يبقى دي وسوسة بس مش بقدر برضو ولازم أرش الحوض عشان متضايقشي وأقعد أفكر طول اليوم
وسؤال آخر لو فيه مذي في الفرج وغسلته كتير وعملت بمنديل وحسيت أن برضو لسه فيه حاجة لزجة بس جوه المهبل خالص مش بره أعمل إيه؟ واستنجيت لغاية ما خلاص المكان وجعني فرشيت مايه وقمت هل تصرفي صحيح ولا المفروض أعمل إيه خايفة المايه اللي نزلت تكون نجسة
أنا تغلبت على موضوع طرطشة الماء عند تشطيف رضيعي وقلت أن أكيد فيه عفو وتغلبت على بعض الأمور الأخرى ولله الحمد
بس فيه حاجات مش بعرف أتخطاها لسه للأسف
21/5/2024
رد المستشار
أهلًا وسهلًا بك يا "monia" مرة أخرى على مجانين.
أشكر لك ذهابك إلى الطبيب، ومن الطبيعي ألا تجدي نتيجة لأن النتيجة لا تظهر قبل أشهر من العلاج.....
يا حبيبتي ليس لك علاقة بمراقبة الغسالة، أرأيت أنك من يحضر الوسواس لنفسه؟ ألا ترين أن الغسالة عندما تقوم بالتنشيف ينزل كثير من الماء على الباب؟ لقد استفزتني أسئلتك جدًا جدًا....
ثم تقولين إن جسدك تلوث بالمذي، أنت ضعي الشرشف في الغسالة، وأكثر ما يمكن أن يحصل هو أن يبقى نجسًا ولكن النجاسة لا تنتقل منه عند المالكية باعتبارها زالت بالغسل بغير الماء. وهل ستصلين على السرير، حتى لو صليت فصلاتك صحيحة عند المالكية؟!! أنا برأيي ابقي ممتنعة عن العلاقة الزوجية حتى لا تنجبي طفلًا آخر من أب وأم موسوسين وسواسًا شديدًا، ولا حول ولا قوة إلا بالله العلي العظيم.
الكريم والزيت الذي على يدك لا يؤثر ويطهر مع يدك بالماء، إنما هو أثر نعومة وليس له جِرم تمسكين به.
كذلك اتفقنا أن تعملي بقول المالكية: أن الماء القليل إذا لم يتغير بالنجاسة فهو طاهر....
ثم قلت: (وحسيت إن برضو لسة فيه حاجة لزجة بس جوه المهبل خالص مش بره أعمل ايه) تعملي إيه؟ اغسلي الرحم، ما رأيك؟!!! النجاسة ما دامت في الداخل فلا حكم لها، ولا تطالبين بتطهيرها، ولا يلزم التطهير إلا إذا خرجت للخارج.... ثم من قال بأن كل لزوجة في الداخل هي مذي؟
أنت غير مكلفة بالمرة في أمور النجاسات، ولا يوجد في حقك شيء اسمه تطهير النجاسة، هو محذوف من قائمة الواجبات الخاصة بك....
إن اقتنعت كان بها، وإن لم تقتنعي فاتبعي نصائح طبيبك وكفي عن مراسلتنا....
تعليقات الأعضاء