أحبه لا لا أحبه أنا أنفر منه! م4

 أحبه لا لا أحبه أنا أنفر منه! م3
 شخص أحبه
 
 أنا مقري فاتحتي على شخص بحبه من إعدادي تقريبا بس من ٦ شهور حصلت بينا مشاكل كبيرة جدا وكنا بنتخانق كل يوم بسبب أني بشتغل وهو كان رافض والفترة دي هو بعد عني جدا وحسسني بحاجات وحشة أني شخص مقصر وأني مش بحبه زي الأول وكلام كتير من السلبي دة وللأسف هو أكتر شخص بتأثر بيه في حياتي واجهته وقولتله اللي حسسني بيه اعتذر وقالي أنه غلطان ومن وقتها فعلا اتغير بس أنا مرجعتش زي الأول أنا اصلا كنت آخر فترة قبل المشاكل كنت زهقانة جدا وعمتا كان بيجيلي أوقات كتير بسأل نفسي بحبه ولا لا
 
 وبعت لحضراتكم قبل كده بسبب الموضوع ده وحد رد علي قالي ده وسواس اكتئابي بس كنت برد في الآخر أني بحبه دلوقتي لما باجي أعترف لنفسي أني بحبه وحتى أقوله أني بحبه بحس بخنقة رهيبة جوايا كإني رافضة أني بحبه ورافضة الحب ده وفي نفس الوقت مقدرش أبعد عنه مش عايزة فمش عارفة الحل إيه والخنقة دي تروح إزاي لأني بعاني ومش بنام وبصحى من النوم قلبي واجعني وضربات قلبي سريعة ومش قادرة أتنفس بسبب الحوار ده والإحساس ده بيتكرر بردو لما بفكر أسيبه وأفكر أني مابقتش عايزاه مثلا
 
 فهل عند حضرتك حل وتفسير لده؟
 وآسفة على الإطالة
 6/7/2024